• Samsung កំពុងប្រែក្លាយ Galaxy S22 Ultra ឱ្យទៅជាស្មាតហ្វូនលំដាប់កំពូល ដោយភ្ជាប់មកមួយនូវអង្គផ្ទុកទិន្នន័យ 1TB និង S Pen

    (បរទេស)៖ ក្រុមហ៊ុន Samsung ត្រូវបានគេរាយការណ៍មកថា គ្រោងនឹងប្រកាសបង្ហាញកំពូលស្មាតហ្វូនត្រកូល Galaxy S ជំនាន់ថ្មីនៅ ខែ កុម្ភ: ឆ្នាំ២០២២ខាងមុខនេះ ជាមួយនឹងលក្ខណ:ពិសេសមួយចំនួនដែលមិនធ្លាប់មានឡើយនៅក្នុងប្រវត្តិសាស្ត្រនៃត្រកូល Galaxy S មួយនេះ។

    យោងតាមការចេញផ្សាយរបស់សារព័ត៌មាន SAMMobile នៅថ្ងៃទី៣០ ខែធ្នូ ឆ្នាំ២០២១ បានឱ្យដឹងថា ក្រុមហ៊ុន Samsung បាននិងកំពុងតែកែប្រែ Galaxy S22 និង Galaxy S22 Ultra ឱ្យទៅស្មាតហ្វូនលំដាប់កំពូល និងមិនធម្មតា ដោយក្នុងនោះ Galaxy S22 Ultra អាចនឹងត្រូវភ្ជាប់មកជាមួយនឹងប៊ិច S Pen ដែលវាជាប្រវត្តិសាស្ត្រថ្មី ហើយវាក៏អាចសបញ្ជាក់ឱ្យឃើញថាត្រកូល Galaxy Note អាចនឹង ត្រូវក្រុមហ៊ុនផ្អាកការផលិត ឬបញ្ឈប់ការចេញលក់ផលិតផលថ្មី។

    អ្វីដែលជាចំណុចលោចធ្លោមួយទៀតសម្រាប់ Galaxy S22 Ultra គឺវានឹងមកជាមួយនឹងអង្គផ្ទុកទិន្នន័យរហូតដល់ 1TB ដែលគួរតែ គ្រប់គ្រាប់សម្រាប់អ្នកប្រើប្រាស់ក្នុងការរក្សាទុករូបភាព និងវីដេអូ និងអាចនិយាយបានថាវាគឺស័ក្តិសមសម្រាប់អ្នកដែលមានតម្រូវការច្រើន បំផុត។

    យោងតាមប្រភពខាងលើក៏បានបញ្ជាក់ផងដែរថា Galaxy S22 Ultra គឺមានសមត្ថភាពអាចថតវីដេអូបានរហូតដល់កម្រិត 8K ហើយការ ថតវីដេអូដោយប្រើការមេរ៉ាមុខ (selfie) គឺអាចបានរហូតដល់កម្រិត 4K។

    គួរបញ្ជាក់ផងដែរថា សម្រាប់ Galaxy S22 Ultra ដែលអង្គផ្ទុកទិន្នន័យរហូតដល់ 1TB គេនៅមិនទាន់ដឹងអំពីតម្លៃ និងទីផ្សារនៃការចេញលក់នោះទេ ប៉ុន្តែបើតាមប្រភពច្បាស់ការគឺ Samsung អាចនឹងចេញលក់តែប៉ុន្មានប្រទេសប៉ុណ្ណោះ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ