• រថភ្លើងល្បឿនលឿនចិន-ឡាវ រំពឹងថានឹងជំរុញកំណើនសេដ្ឋកិច្ចក្នុងស្រុក និងផ្តល់អត្ថប្រយោជន៍ដល់ប្រទេសក្នុងតំបន់

    (វៀងចន្ទន៍)៖ មេដឹកនាំកំពូលរបស់ប្រទេសចិន និងឡាវ នឹងជួបប្រជុំគ្នាតាមរយៈវីដេអូនៅថ្ងៃសុក្រនេះដើម្បីសម្ពោធដាក់ដំណើរការផ្លូវរថភ្លើងចិន-ឡាវ ដែលរំពឹងថាមិនត្រឹមតែនឹងបង្កើនការតភ្ជាប់រវាងប្រទេសឡាវ និងប្រទេសផ្សេងទៀតនោះទេ ប៉ុន្តែក៏នឹងផ្តល់អត្ថប្រយោជន៍ដល់ការអភិវឌ្ឍតំបន់ផងដែរ។ នេះបើយោងតាមកាសែត Global Times។

    ជាផ្នែកមួយនៃគំនិតផ្តួចផ្តើមខ្សែក្រវ៉ាតនឹងផ្លូវ (BRI) ផ្លូវរថភ្លើងប្រហែល ១.០៣៥គីឡូម៉ែត្រនេះ នឹងផ្ជាប់ទីក្រុង Kunming របស់ខេត្តយូណាន និងរដ្ឋធានីវៀងចន្ទន៍របស់ប្រទេសឡាវ។

    យោងតាមទីភ្នាក់ងារព័ត៌មានស៊ិនហួរ ផ្លូវរថភ្លើងនេះមានស្ថានីយចំនួន ១១កន្លែងនៅផ្នែកខាងប្រទេសចិន និងចំនួន ១០នៅផ្នែកខាងប្រទេសឡាវ ដែលមានប្រវែង៤០៩គីឡូម៉ែត្រ។ ដោយមានល្បឿន ១៦០គីឡូម៉ែត្រក្នុងមួយម៉ោង រថភ្លើងនេះនឹងកាត់បន្ថយរយៈចម្ងាយធ្វើដំណើររវាងទីក្រុងវៀងចន្ទន៍ និងព្រំដែនចិន-ឡាវ ពីរយៈពេល ២ថ្ងៃមកនៅត្រឹមតែ ៣ម៉ោងប៉ុណ្ណោះ ហើយការធ្វើដំណើរពីទីក្រុងវៀងចន្ទន៍ទៅកាន់ទីក្រុង Kunming អាចចំណាយពេលត្រឹមតែមួយយប់ប៉ុណ្ណឹង។

    លោក Wang Wenbin អ្នកនាំពាក្យក្រសួងការបទេសចិនបានថ្លែងក្នុងសន្និសីទមួយថា វាជាព្រឹត្តិការណ៍ដ៏អស្ចារ្យ និងរីករាយដែលមានប្រមុខរដ្ឋទាំងពីរធ្វើជាគណៈអធិបតីក្នុងកម្មវិធីបើកសម្ពោធដំណើរការរថភ្លើងនេះ។

    លោក Wang បានកត់សម្គាល់ថា ប្រទេសចិនជឿជាក់ថា រថភ្លើងនេះនឹងជួយដល់ប្រទេសឡាវឱ្យសម្រេចបានយុទ្ធសាស្រ្តរបស់ខ្លួនក្នុងការប្រែក្លាយពីប្រទេសគ្មានច្រកសមុទ្រ (landlocked country) ទៅជាមជ្ឈមណ្ឌលដែលភ្ជាប់តាមដីគោក (land-linked hub) ពន្លឿនការសាងសង់សហគមន៍សម្រាប់អនាគតរួមគ្នារវាងប្រទេសទាំងពីរ ផ្តល់អត្ថប្រយោជន៍ដល់ប្រជាជនរបស់ប្រទេសទាំងពីរ ជំរុញការតភ្ជាប់និងភាពស៊ាំចង្វាក់ផ្គត់ផ្គង់ និងចូលរួមចំណែកដល់ការអភិវឌ្ឍន៍ និងវិបុលភាពក្នុងតំបន់។

    លោក Xu Liping នាយកមជ្ឈមណ្ឌលសិក្សាអាស៊ីអាគ្នេយ៍នៅសាលាបណ្ឌិតវិទ្យាសាស្រ្តសង្គមចិន បានព្យាករថា រថភ្លើងនេះភាគច្រើននឹងដឹកជញ្ជូនទំនិញនៅក្នុងតំណាក់កាលដំបូងនៃប្រតិបត្តិការរបស់ខ្លួន ដោយសារស្ថានភាពរាតត្បាតជំងឺកូវីដ-១៩ ដែលបានបង្កឱ្យការធ្វើដំណើអន្តរជាតិជាប់គាំង។

    លោក Gu Xiaosong ព្រឹទ្ធបុរសប្រចាំវិទ្យាស្ថានស្រាវជ្រាវអាស៊ាននៃសាកលវិទ្យាល័យainan Tropical Ocean University ប្រាប់កាសែត Global Times កាលពីថ្ងៃពុធថា ការបញ្ចប់ខ្សែរថភ្លើងនេះបង្ហាញពីសុបិនក្លាយជាការពិតសម្រាប់ប្រជាជនក្នុងប្រទេសឡាវ ដែលខ្វះខាតហេដ្ឋារចនាសម្ព័ន្ធ។

    លោកថ្លែងថា៖ «ទំនិញរួមទាំងវត្ថុធាតុដើម និងផលិតផលកសិកផលស្រស់ អាចត្រូវបានដឹកជញ្ជូនទៅកាន់ប្រទេសចិន ហើយក្រោយមកដឹកទៅកាន់អឺរ៉ុបតាមរយៈបណ្តាញរថភ្លើង ដែលនឹងចាក់បញ្ចូលកម្លាំងចលករថ្មីមួយមិនត្រឹមតែទៅក្នុងសេដ្ឋកិច្ចក្នុងស្រុកឡើង ប៉ុន្តែថែមទាំងដល់ប្រទេសផ្សេងទៀតក្នុងតំបន់ផ្សេងទៀតផងដែរដូចជាប្រទេសថៃ ម៉ាឡេស៊ី សិង្ហបុរី និងមីយ៉ាន់ម៉ាជាដើម»។

    ក្រុមអ្នកឃ្លាំមើលរបស់ចិនក៏មើលឃើញផងដែរពីការអភិវឌ្ឍនាពេលអនាគតនៃរថភ្លើងចិន-ឡាវនេះ ដោយសារវាអាចក្លាយជាផ្នែកមួយនៃគម្រោងដឹកជញ្ជូនដ៏ធំ ដែលតភ្លាប់ប្រទេសចិន ឡាវ ថៃ ម៉ាឡេស៊ី និងចុងក្រោយគឺសិង្ហបុរី ដែលត្រូវបានគេស្កាល់ថាជារថភ្លើងក្រុង Kunming-សិង្ហបុរី ឬបណ្តាញរថភ្លើងអាស៊ី។ នេះបើយោងតាមកាសែត Global Times៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ