• IAEA សង្ស័យថា កូរ៉េខាងជើងកំពុងចម្រាញ់សារធាតុ «ភ្លុយតូនីញ៉ូម» សម្រាប់ផលិតអាវុធនុយក្លេអ៊ែរ

    (វ៉ាស៊ីនតោន)៖ ទីភ្នាក់ងារឃ្លាំមើលថាមពលអាតូមិចអន្តរជាតិ (IAEA) បានអះអាងថា កូរ៉េខាងជើងទំនងជាបានចាប់ផ្ដើមដំណើរការ រ៉េអាក់ទ័រនុយក្លេអ៊ែរមួយកន្លែង ដើម្បីចម្រាញ់សារធាតុភ្លុយតូញ៉ូម (plutonium) សម្រាប់ផលិតអាវុធនុយក្លេអ៊ែរ។ នេះបើតាមការចេញផ្សាយ ដោយទីភ្នាក់ងារព័ត៌មាន Reuters នៅព្រឹកថ្ងៃចន្ទ ទី៣០ ខែសីហា ឆ្នាំ២០២១។

    នៅក្នុងរបាយការណ៍របស់ខ្លួន ចេញផ្សាយកាលពីចុងសប្ដាហ៍មុន ទីភ្នាក់ងារ IAEA បានបញ្ជាក់ទៀតថា ចាប់ផ្ដើមពីខែធ្នូ ឆ្នាំ២០១៨ រហូតដល់ដើមខែកក្កដា ឆ្នាំ២០២១ កូរ៉េខាងជើងមិនបានដំណើរការរ៉េអាក់ទ័រនុយក្លេអ៊ែរនៅឯរោងចក្រ យ៉ុងប្យុន (Yongbyon) នោះទេ។ ប៉ុន្តែចាប់ពីដើមខែកក្កដា ឆ្នាំ២០២១មក រ៉េអាក់ទ័រនេះបានបញ្ចេញសកម្មភាព ដែលទំនងជាការផលិតសារធាតុភ្លុយតូញ៉ូម សម្រាប់អាវុធនុយក្លេអ៊ែរ។

    គួរបញ្ជាក់ថា ទីភ្នាក់ងារ IAEA មិនអាចចូលក្នុងប្រទេសកូរ៉េខាងជើង ចាប់តាំងពីទីក្រុងព្យុងយ៉ាងបណ្ដេញមន្ត្រីអធិការកិច្ច នៃទីភ្នាក់ងារអន្តរជាតិមួយនេះ ចេញតាំងតែពីឆ្នាំ២០០៩មកម្ល៉េះ។ កូរ៉េខាងជើងត្រូវបានគេជឿជាក់ថា នៅតែបន្តអភិវឌ្ឍអាវុធនុយក្លេអ៊ែរ ដោយអាចនឹងដឹកនាំការធ្វើតេស្ដជាថ្មី ក្នុងពេលឆាប់ៗនេះ។ ការធ្វើតេស្ដអាវុធនុយក្លេអ៊ែរលើកចុងក្រោយបំផុត របស់កូរ៉េខាងជើងធ្វើឡើងកាលពី២០១៧៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ