• សេវាកម្ម Cloud ជួយឱ្យប្រាក់ចំណូលរបស់ក្រុមហ៊ុន Microsoft កើនឡើង ២១ភាគរយ

    (អាមេរិក)៖ ក្រុមហ៊ុន Microsoft Corp បានប្រកាសបង្ហាញប្រាក់ចំណេញ និងចំណូលនៅក្នុងត្រីមាសចុងខែមិថុនា ឆ្នាំ២០២១ ដោយទទួលបានប្រាក់ចំណេញ ច្រើនជាងការរំពឹងទុក ខណៈការលក់កុំព្យូទ័រធ្លាក់ចុះដោយសារកង្វះឈីបសកល តែសេវាកម្ម Cloud បាន ជួយឱ្យ ប្រាក់ចំណូលមានការកើនឡើង។

    យោងតាមការចេញផ្សាយរបស់សារព័ត៌មាន Reuters នៅថ្ងៃទី២៨ ខែកក្កដា ឆ្នាំ២០២១ បានឱ្យដឹងថា ក្រុមហ៊ុន Microsoft រកប្រាក់ ចំណុលបាន ៤៦.២ពាន់លានដុល្លារអាមេរិកនៅក្នុងត្រីមាសទី២របស់ខ្លួន (ចន្លោះខែមេសា-មិថុនា) ដោយបានកើនឡើងប្រមាណជាង ២១ភាគរយ។

    នៅក្នុងត្រីមាសកន្លងទៅនេះ ក្រុមហ៊ុន Microsoft រកចំណូលបានពីសេវាកម្ម Cloud ចំនួន ១៧.៤ពាន់លានដុល្លារអាមេរិក ដោយបាន កើនឡើងជាង ៤៣ភាគរយ ខណ:ដែលប្រាក់ចំណូលបានមកពីការលក់កុំព្យូទ័រ, Windows, Xbox Game សរុបមានចំនួន ១៤.១ពាន់ លានដុល្លារ និងបានធ្លាក់ចុះ ៩ភាគរយ។

    គួរបញ្ជាក់ផងដែរថា Microsoft គឺជាក្រុមហ៊ុនអាមេរិកមួយដែលមានតម្លៃនៅលើទីផ្សារហូតដល់ជាង ២ទ្រីលានដុល្លារ ខណ:ដែល Apple បានស្ថិតនៅលេខរៀងទី១ និងមានតម្លៃ ២.៥ទ្រីលានដុល្លារអាមេរិក៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ