• ការលក់ស្មាតហ្វូន 5G នៅក្នុងប្រទេសចិនបានកើនឡើងជាង ១០០ភាគរយ នៅក្នុងឆមាសទី១

    (ចិន)៖ ឆ្នាំ២០២០ និង២០២១ ត្រូវបានគេចាត់ទុកថាជាយុគសម័យនៃស្មាតហ្វូន 5G ដោយក្រុមហ៊ុនផលិតទូរស័ព្ទដៃជាច្រើនបាននាំគ្នា សម្រុកផលិតស្មាតហ្វូនប្រភេទនេះដើម្បីវាយលុយទីផ្សារ ជាពិសេសគឺក្រុមហ៊ុនចិន និងទីផ្សារប្រទេសចិនតែម្ដង។

    យោងតាមការចេញផ្សាយរបស់ទីភ្នាក់ងារសារព័ត៌មានស៊ិនហួ នៅថ្ងៃទី១៨ ខែកក្កដា ឆ្នាំ២០២១ បានឱ្យដឹងថា មានស្មាតហ្វូន 5G ចំនួន ១២៨លានគ្រឿងត្រូវបានលក់នៅក្នុងទីផ្សារប្រទេសចិន ដោយគិតត្រឹមពាក់កណ្ដាលឆ្នាំ២០២១។ វិទ្យាស្ថានចិន ទទួលបន្ទុកកិច្ចការងារព័ត៌មាន និងទំនាក់ទំនង (CAICT) នៅដើមសប្តាហ៍នេះបានបង្ហាញតួលេខនៃការលក់ស្មាតហ្វូន 5G ក្នុងប្រទេសចិន ដែលតួលេខបានបង្ហាញថា ការលក់បានកើនឡើងយ៉ាងខ្លាំងដល់ទៅ ១០០.៩ភាគរយ បើធៀបទៅនឹងតួលេខឆ្នាំមុន (២០២០) ។

    នៅក្នុងរបាយការណ៍ក៏បានបង្ហាញឱ្យដឹងផងដែរថា មានស្មាតហ្វូនប្រមាណជា ៧៣.៤ភាគរយ នៃស្មាតហ្វូន 5G ទាំងអស់ដែលបានលក់ គឺជាស្មាតហ្វូនរបស់ក្រុមហ៊ុនក្នុងស្រុក ខណ:ដែលក្នុងរយ:ពេល ៦ខែដើមឆ្នាំ២០២១ មានទូរស័ព្ទដៃសរុបចំនួន ១៧៤លានគ្រឿង ត្រូវ បាន លក់នៅក្នុងប្រទេសចិន និងបានកើនឡើង ១៣.៧ភាគរយ បើធៀបទៅនឹងឆ្នាំមុន។

    យ៉ាងណាមិញ ក្នុងខែមិថុនាកន្លងទៅនេះ មានទូរស័ព្ទដៃសរុបចំនួន ២៤.៥៩លានគ្រឿងត្រូវបានលក់ ដោយបានធ្លាក់ចុះ ១០.៤ភាគរយ បើធៀបទៅនឹងឆ្នាំមុន ។

    គួរបញ្ជាក់ផងដែរថា បច្ចុប្បន្នក្រុមហ៊ុនផលិតទូរស័ព្ទដៃចិន បាននិងកំពុងតែឈានមុខគេយ៉ាងខ្លាំង ជាក់ស្ដែង Xiaomi បានក្លាយជា ក្រុមហ៊ុនផលិតស្មាតហ្វូនធំលំដាប់២ ដោយយកឈ្នះ Apple៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ