• លោក ស៊ី ប្រាប់លោក ពូទីន ថា ចិននឹងបន្តគាំទ្ររុស្ស៉ីលើ «អធិបតេយ្យភាព និងសន្តិសុខ»

    (ប៉េកាំង)៖ ប្រធានាធិបតីចិន លោក ស៊ី ជីនពីង បានប្រាប់សមភាគីរុស្ស៊ី លោក វ្ល៉ាឌីមៀ ពូទីន នៅក្នុងការហៅទូរសព្ទមួយកាលពីថ្ងៃពុធថា ទីក្រុងប៉េកាំងនឹងបន្តគាំទ្រទីក្រុងមូស្គូលើ «អធិបតេយ្យភាព និងសន្តិសុខ» នេះបើយោងតាមប្រព័ន្ធផ្សព្វផ្សាយរដ្ឋ ចុះផ្សាយបន្តដោយសារព័ត៌មាន France24 នៅថ្ងៃពុធ ទី១៥ ខែមិថុនា ឆ្នាំ២០២២។

    ទូរទស្សន៍រដ្ឋចិន CCTV បានរាយការណ៍ថា ប្រទេសចិនមានឆន្ទៈក្នុងការបន្តផ្តល់ការគាំទ្រទៅវិញទៅមក (ដល់ប្រទេសរុស្ស៊ី) លើបញ្ហាទាក់ទងនឹងផលប្រយោជន៍ស្នូល និងកង្វល់សំខាន់ៗដូចជាអធិបតេយ្យភាព និងសន្តិសុខ។

    វាជាការហៅទូរសព្ទជាលើកទីពីរហើយ រវាងមេដឹកនាំទាំងពីរចាប់តាំងពីលោក ពូទីន បានចាប់ផ្តើមការលុកលុយលើអ៊ុយក្រែននៅថ្ងៃទី២៤ ខែកុម្ភៈ។

    យោងតាមទូរទស្សន៍ CCTV ដដែល លោក ស៊ី បានសរសើរ «សន្ទុះដ៏ល្អនៃការអភិវឌ្ឍន៍» នៅក្នុងទំនាក់ទំនងទ្វេភាគីចាប់តាំងពីដើមឆ្នាំនេះ «ក្នុងការប្រឈមមុខនឹងភាពចលាចល និងការផ្លាស់ប្តូរពិភពលោក»៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ