• ប្រទេសស្រីលង្កាអំពាវនាវឲ្យកសិករដាំស្រូវបន្ថែមទៀត ខណៈការខ្វះខាតស្បៀងកំពុងកើតឡើង

    កូឡុំបូ៖ ប្រទេសស្រីលង្កាចង់ឱ្យកសិករដាំស្រូវបន្ថែមទៀត ដែលជាផ្នែកមួយនៃផែនការដើម្បីបញ្ចៀសការខ្វះខាតស្បៀងអាហារធ្ងន់ធ្ងរ នេះបើតាមមន្ត្រីកំពូលបាននិយាយកាលពីថ្ងៃអង្គារម្សិលមិញនេះ ខណៈដែលអ្នកជំនាញបានព្រមានពីការធ្លាក់ចុះនៃផលិតកម្មចំនួន ៥០ ភាគរយដែលនឹងកាន់តែអាក្រក់ទៅបន្ថែមលើ វិបត្តិហិរញ្ញវត្ថុធ្ងន់ធ្ងររបស់ខ្លួនរួចទៅហើយ។

    ប្រទេស​ស្រីលង្កា​ស្ថិត​ក្នុង​វិបត្តិ​ដ៏​អាក្រក់​បំផុត​របស់​ខ្លួន​ក្នុង​រយៈពេល​ជាង​ប្រាំពីរ​ទសវត្សរ៍។ កោះដែលមានប្រជាជនចំនួន ២២ លាននាក់បានអស់ទុនបម្រុង រូបិយបណ្ណបរទេសហើយមិនអាចបង់ថ្លៃសម្រាប់ការនាំចូលសំខាន់ៗរួមទាំងប្រេងឥន្ធនៈ អាហារ និងថ្នាំពេទ្យ។

    “វាច្បាស់ណាស់ថា ស្ថានភាពម្ហូបអាហារកាន់តែអាក្រក់ទៅៗ។ យើងស្នើសុំកសិករទាំងអស់ឱ្យឈានជើងចូលស្រែរបស់ពួកគេក្នុងរយៈពេល 5 ទៅ 10 ថ្ងៃខាងមុខ ហើយធ្វើការដាំដុះស្រូវ»។ រដ្ឋមន្ត្រីក្រសួងកសិកម្ម Mahinda Amaraweera បានប្រាប់សន្និសីទសារព័ត៌មានកាលពីថ្ងៃអង្គារ។

    នាយករដ្ឋមន្ត្រីថ្មីរបស់ប្រទេសស្រីលង្កា Ranil Wickremesinghe បានព្រមានអំពីកង្វះខាតស្បៀងអាហារធ្ងន់ធ្ងរនៅខែសីហា ហើយប៉ាន់ស្មានថា 600 លានដុល្លារនឹងត្រូវការសម្រាប់ការនាំចូលជី ដែលប្រទេសនេះកំពុងត្រូវការ។

    ក្រុមអ្នកជំនាញកសិកម្មមួយក្រុមបានព្រមានថា ជីភាគច្រើននឹងមកដល់យឺតពេកសម្រាប់វដ្តនៃការដាំដុះបន្ទាប់ដែលជាធម្មតាចាប់ផ្តើមនៅដើមខែមិថុនា។ ក្នុង​ពីរ​រដូវ​បន្ទាប់ បរិមាណ​ជី​គ្រប់​គ្រាន់​នឹង​មិន​មាន​សម្រាប់​បំពេញ​តម្រូវការ​សារធាតុចិញ្ចឹម​នៃ​ដំណាំ​សំខាន់ៗ​ណា​មួយ​ដូចជា ស្រូវ តែ និង​ពោត។ លោក Amaraweera បាននិយាយថា ការពិភាក្សាកំពុងដំណើរការជាមួយប្រទេសឥណ្ឌា ដើម្បីទទួលបានជីចំនួន 65,000 តោន ហើយការអំពាវនាវត្រូវបានធ្វើឡើងទៅកាន់ប្រទេសចំនួន 7 ផ្សេងទៀត។ ប៉ុន្តែ​លោក​មិន​បាន​បង្ហាញ​ព័ត៌មាន​លម្អិត​ថា​ពេល​ណា​ការ​ដឹក​ជញ្ជូន​នឹង​មក​ដល់​នោះ​ទេ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ