• ភ្លៀងធ្លាក់ខ្លាំងនៅប្រទេសអូស្រ្តាលី បង្កឱ្យមនុស្សរាប់ពាន់នាក់ ត្រូវជម្លៀសខ្លួនសាជាថ្មី

    (ស៉ីដនី)៖ តំបន់ភាគខាងកើតប្រទេសអូស្រ្តាលី នៅដើមសប្តាហ៍នេះ បាននិងកំពុងទទួលរងការធ្លាក់ភ្លៀងខ្លាំងជោគជាំ ដែលជាហេតុនាំឱ្យអាជ្ញាធរចេញសេចក្តីណែនាំ ប្រាប់ឱ្យប្រជាជនរាប់ពាន់នាក់ធ្វើការជម្លៀសខ្លួនជាលើកទីពីរ ក្នុងខែមីនានេះ ខណៈស្ថានភាពអាកាសធាតុ អាចនឹងនៅតែបន្តបែបនេះ រហូតដល់ថ្ងៃពុធ។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃអង្គារ ទី២៩ ខែមីនា ឆ្នាំ២០២២។

    ក្រុងមួយចំនួននៅរដ្ឋញូសោតវែល (New South Wales) និងរដ្ឋឃ្វីនលែន (Queensland) របស់អូស្រ្តាលី បច្ចុប្បន្នកំពុងនៅបន្តព្យាយាមធ្វើការស្តារឡើងវិញនៅឡើយទេ ក្រោយរងគ្រោះទឹកជំនន់ដ៏អាក្រក់ កាលពីពេលកន្លងទៅក្នុងខែមីនានេះ ដែលបានផ្តាច់ជីវិតមនុស្ស២១នាក់ ព្រមទាំងបង្កការខូចខាតចំពោះលំនៅឋាន និងអគារជាច្រើនទៀត។

    គួរបញ្ជាក់ថា សម្រាប់ការជន់លិចថ្មីចុងក្រោយ មនុស្សចំនួន២នាក់ហើយ បានស្លាប់ ខណៈអគារជាច្រើនខ្នង ដែលកន្លងមកបានជន់លិច ត្រូវគេរំពឹងថានឹងជន់លិចសាជាថ្មី។ ទីភ្នាក់ងារឧតុនិយមអូស្រ្តាលី នៅថ្ងៃអង្គារនេះ បានព្រមានអំពីការកើតមានឡើង នៃគ្រោះទឹកជំនន់ នៅតាមបណ្តោយឆ្នេរភាគខាងជើងនៃរដ្ឋ New South Wales ហើយបានណែនាំឱ្យប្រជាជន ដែលរស់នៅតំបន់ប្រឈមហានិភ័យ ជម្លៀសខ្លួនជាបណ្តោះអាសន្ន ទៅកាន់ទីសុវត្ថិភាព៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ