• ម្ចាស់ជើងឯក F1 កីឡាករ Hamilton នឹងប្តូរឈ្មោះថ្មី ដើម្បីផ្តល់កិត្តិយសចំពោះអ្នកម្តាយ

    (ឌូបៃ)៖ ម្ចាស់ពានរង្វាន់ជើងឯកនៃព្រឹត្តិការណ៍ប្រណាំងរថយន្ត F1 កីឡាករ Lewis Hamilton នឹងផ្លាស់ប្តូរឈ្មោះរបស់លោក ដើម្បីផ្តល់កិត្តិយសចំពោះម្តាយរបស់លោក គឺអ្នកស្រី Carmen Larbalestier។ នេះបើតាមការលើកឡើងរបស់លោកនាថ្ងៃចន្ទ ខណៈលោកកំពុងត្រៀមសម្រាប់ប្រកួតប្រជែងដណ្តើមយកកំណត់ត្រាពានរង្វាន់លំដាប់ពិភពលោកនេះជាលើកទី៨។ នេះបើយោងតាមសារព័ត៌មាន CNA ចេញផ្សាយនាថ្ងៃទី១៥ ខែមីនា ឆ្នាំ២០២២។

    កីឡាករវ័យ ៣៧ឆ្នាំរូបនេះបានលើកឡើងថា លោកនឹងបន្ថែមនាមត្រកូលរបស់ម្តាយរបស់លោកចូលក្នុងឈ្មោះរបស់លោក ពោលគឺ Lewis Hamilton-Larbalestier ដែលការផ្លាស់ប្តូរនេះ នឹងធ្វើឡើងនៅពេលឆាប់ៗនេះ។

    កីឡាករប្រណាំងនៅក្រុម Mercedes នេះបានប្រាប់ក្នុងកិច្ចសម្ភាសន៍មួយនាទីក្រុង Dubai ថា «ឈ្មោះម្តាយរបស់ខ្ញុំគឺ Larbalestier ហើយខ្ញុំនឹងដាក់ឈ្មោះនេះបន្ថែមក្នុងឈ្មោះរបស់ខ្ញុំ។ ព្រោះខ្ញុំពិតជាមិនយល់ទាំងស្រុងនោះទេចំពោះគំនិតដែលនៅពេលដែលមនុស្សយើងរៀបការរួច បន្ទាប់មកស្ត្រីនឹងបាត់បង់ឈ្មោះរបស់គាត់»៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ