• ឃាតកម្ម៖ ស្លាប់មនុស្សចាស់ក្មេងបីនាក់ ក្នុងព្រៃនៅខេត្តមណ្ឌលគិរី

    (មណ្ឌលគិរី)៖ យ៉ាងហោចណាស់មានមនុស្សចាស់ក្មេងចំនួន៣នាក់ ក្នុងគ្រួសារមួយ ត្រូវបានគេប្រទះឃើញស្លាប់ នៅក្នុងព្រៃមួយ ស្ថិតនៅចំណុចស្រែម៉ាអ៊ែល ភូមិឡៅការ សង្កាត់សុខដុម ក្រុងសែនមនោរម្យ ខេត្តមណ្ឌលគិរី នៅល្ងាចថ្ងៃទី០២ ខែកុម្ភៈ ឆ្នាំ២០២២នេះ។

    ពាក់ព័ន្ធនឹងករណីនេះ សមត្ថកិច្ចមូលដ្ឋានខេត្តមណ្ឌលគិរី បានដាក់ការសង្ស័យជាបឋមថា ជាករណីឃាតកម្ម ខណៈដែលព័ត៌មានពិតប្រាកដយ៉ាងណានោះ នៅមិនទាន់ដឹងនៅឡើយ។

    នៅកន្លែងកើតហេតុ សមត្ថកិច្ចបានរកឃើញក្មេងប្រុសម្នាក់អាយុ៥ឆ្នាំ នៅមានជីវិតនៅឡើយ ខណៈសមត្ថកិច្ចកំពុងនាំយកមកសង្រ្គោះបន្ទាន់នៅពេទ្យបង្អែកខេត្តមណ្ឌលគិរី រីឯមនុស្សចំនួន២នាក់ទៀត កំពុងបាត់ខ្លួនក្នុងព្រៃ។

    លោក សូ សុវណ្ណ ស្នងការរងខេត្តមណ្ឌលគិរី បានប្រាប់អ្នកព័ត៌មានប្រចាំខេត្តមណ្ឌលគិរីឲ្យដឹងថា រឿងនេះពិតជាបានកើតឡើងពិតមែន ដោយទីតាំងកើតហេតុនោះនៅកណ្តាលព្រៃ ដែលមានចម្ងាយពីទីរួមខេត្តប្រមាណ៣០គីឡូម៉ែត្រ ទោះបីជាយ៉ាងណាក៍ដោយកម្លាំងសមត្ថកិច្ច កំពុងចុះឡោមព័ទ្ធក្នុងព្រៃ ដើម្បីធ្វើការស្រាវជ្រាវរកតម្រុយ និងមុខសញ្ញា។

    លោក សូ សុវណ្ណ បានបញ្ជាក់ថា ករណីនេះស្លាប់នេះ បានកើតឡើងតាំងពីថ្ងៃទី០១ ខែកុម្ភៈ ឆ្នាំ២០២២៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ