• Twitter ប្រកាសថា មេធំផ្នែកសន្តិសុខសុវត្ថិភាពចំនួនពីររូបលាលែងពីតំណែង ប៉ុន្តែមិនបានបញ្ជាក់ពីមូលហេតុ

    (អាមេរិក)៖ បណ្ដាញសង្គមដ៏គួរឱ្យទុកចិត្ត Twitter បានប្រកាសឱ្យដឹងថា ប្រធានផ្នែកសន្តិសុខសុវត្ថិភាព និងប្រធានផ្នែកព័ត៌មានសន្តិសុខសុវត្ថិភាព នឹងចាកចេញពីក្រុមហ៊ុននៅក្នុងពេលឆាប់ខាងមុខនេះ ប៉ុន្តែមិនបានបញ្ជាក់ពីមូលហេតុនៃការចាក ចេញឡើយ។

    យោងតាមការចេញផ្សាយសារព័ត៌មាន Reuters នៅថ្ងៃទី២៤ ខែមករា ឆ្នាំ២០២២ បានឱ្យដឹងថា ការរង្គោះរង្គើនេះកើតឡើងបន្ទាប់ពីសហស្ថាបនិក Twitter លោក Jack Dorsey បានលាលែងពីតំណែងជានាយកប្រតិបត្តិ (CEO) កាលពីខែវិច្ឆិកាកន្លងទៅនេះ ដោយបានប្រគល់តួនាទីទៅឱ្យអនុប្រធានកំពូលលោក Parag Agrawal ប្រធានផ្នែកបច្ចេកវិទ្យា (CTO) ជាអ្នកកាន់តំណែងបន្ត ហើយក៏មានការរៀបចំរចនាសម្ព័ន្ធដឹកនាំឡើងវិញសម្រាប់ប្រព័ន្ធផ្សព្វផ្សាយសង្គមមួយនេះចាប់តាំងពីពេលនោះមក។

    លោក Peiter Zatko គឺជាអតីត Hacker មួយរូបដែលមានល្បីល្បាញ និងត្រូវបានគេស្គាល់នៅលើពិភពអ៊ីនធើណែតថា «Mudge» បាន ចូលបម្រើការងារនៅក្នុងក្រុមហ៊ុន Twitter កាលពីឆ្នាំ២០២០ ក្នុងនាមជាប្រធានផ្នែកសន្តិសុខសុវត្ថិភាព ក្រោយពេលដែល បណ្ដាញសង្គម Twitter ត្រូវបានរងការវាយប្រហារពីសំណាក់ Hacker ដែលអនុញ្ញាតឱ្យពួកគេបង្ហោះសារចេញពីគណនីជនល្បីឈ្មោះដូចជា Bill Gates និង Elon Musk ជាដើម។

    ចំណែកប្រធានផ្នែកព័ត៌មានសន្តិសុខសុវត្ថិភាព Rinki Sethi មិនត្រូវបានខាង Twitter បង្ហើបឱ្យដឹងពីព័ត៌មានច្រើនឡើយ គ្រាន់តែដឹងថា ពួកគេទាំងពីរនាក់នឹងចាកចេញក្នុងពេលឆាប់ៗខាងមុនេះ។

    គួរបញ្ជាក់ផងដែរថា លោក Jack Dorsey បានប្រគល់តំណែង CEO ឱ្យទៅលើលោក Parag Agrawal ដោយសារតែគាត់បានបម្រើការងារ អស់រយ:ប្រមាណ ១០ឆ្នាំមកហើយនៅក្នុងក្រុមហ៊ុន Twitter និងជាមនុស្សម្នាក់ដែលបានយល់ដឹងច្បាស់ពីគោលដៅ និងចក្ខុវិស័យរបស់ Twitter ផងដែរ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ