• ការលក់របស់ Apple នៅកូរ៉េខាងត្បូងបានកើនឡើង រហូតដល់ ២៤ភាគរយ ដែលមិនធ្លាប់មាននៅក្នុងប្រវត្តិសាស្ត្រ

    (សេអ៊ូល)៖ ក្រុមហ៊ុន Apple បានបញ្ចេញតួលេខនៃលក់នៅកូរ៉េខាងត្បូងជាលើកដំបូង រួមទាំងប្រាប់ពីរបៀបដែលទទួលបានប្រាក់ចំណូលក្នុងឆ្នាំ ២០២១ ដែលមានរហូតជិត ៦ពាន់លានដុល្លារអាមេរិក និងបានកើនឡើងជិតមួយភាគបួន បើធៀបទៅនឹងរយៈពេលដូចគ្នាក្នុងឆ្នាំ២០២០។

    នេះបើយោងតាមការចេញផ្សាយរបស់សារព័ត៌មាន Apple Insider នៅថ្ងៃទី ១៣ ខែមករា ឆ្នាំ២០២២។

    យោងតាមរបាយការណ៍របស់ Apple បានឲ្យដឹងថា ការលក់នៅក្នុងប្រទេសកូរ៉េខាងត្បូង ទទួលបានទឹកប្រាក់ ៧.១ពាន់ពាន់លានវ៉ុន (ប្រហែល ៥.៩៧ ពាន់លានដុល្លារអាមេរិក) សម្រាប់ការលក់ចាប់ពីថ្ងៃទី ១ ខែតុលា ឆ្នាំ២០២០ ដល់ថ្ងៃទី ៣០ ខែកញ្ញា ឆ្នាំ២០២១។

    ប្រាក់ចំណេញប្រតិបត្តិការរបស់ Apple នៅកូរ៉េខាងត្បូងក៏បានធ្លាក់ចុះចំនួន ១៣ភាគរយ មកនៅត្រឹមតែ ១១១.៤៩ ពាន់លានវ៉ុន ឬស្មើនឹង ៩៣.៦៧លានដុល្លាអាមេរិក។

    គួរជម្រាបផងដែលថា Apple ជាប្រវត្តិសាស្រ្តមានការលំបាកជាខ្លាំងក្នុងការវាយលុកចូលទៅក្នុងទីផ្សារទឹកដីកំណើតរបស់ Samsung ដោយកំណើនភាគរយកើនឡើងនេះហាក់ដូចជាមានទំហំធំជាងគេក្នុងរយៈពេល ៥ឆ្នាំចុងក្រោយនេះ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ