• Man Utd ឈ្នះ Crystal ១-០ ជាកំណត់ត្រាលេង ៤ប្រកួតមិនចាញ់ ក្រោយបញ្ចប់តំណែងលោក Ole

    (មេនឆេស្ទើ)៖ Manchester United លេងមិនចាញ់ឡើយ ក្រោយពីប្រកាសចែកផ្លូវជាមួយអតីតអ្នកចាត់ការទូទៅចាស់ លោក Ole Gunnar Solskjaer នៅពេលយកឈ្នះគូប្រជែង Crystal Palace យប់មិញទៀតជាកំណត់ត្រាលេងបាន ៤ប្រកួតមិនចាញ់ឡើយ។

    ខ្សែបម្រើប្រេស៊ីល Fred ជាអ្នកបញ្ចប់ទីបានយ៉ាងល្អនៅនាទី៧៧ ពីការបញ្ជូនរបស់ Mason Greenwood ដើម្បីឆក់យក ៣ពិន្ទុនៅទឹកដី Old Trafford ជាលើកទី២ ក្រោយយកឈ្នះ Arsenal ៣-២ ផងដែរកាលពីរាត្រីថ្ងៃព្រហស្បតិ៍នៃយុទ្ធនាការលីគកំពូលអង់គ្លេស Premier League។

    តែយ៉ាងណា វាបានក្លាយជាជ័យជម្នះពី ១ប្រកួតដំបូងក្នុងផ្ទះរបស់លោក Ralf Rangnick ដែលត្រូវបានបិសាចក្រហមតែងតាំងឲ្យដឹកនាំរហូតដល់ចប់រដូវកាលនេះ ជំនួសកៅអីលោក Ole នៅពេល Michael Carrick ក៏ដឹកនាំបាន ៣ប្រកួតផងដែរដោយឈ្នះ១ ស្មើ១ នៅ Premier League និងឈ្នះ Villarreal ២-០ ក្នុង UEFA Champions League។

    ៣ពិន្ទុបន្ថែមនេះដែរបានធ្វើឲ្យ Man Utd ឡើងទៅឈរនៅលេខរៀងទី៦ ជាបណ្តោះអាសន្នដោយមាន ២៤ពិន្ទុ តាមពីក្រោយក្រុមលេខ៥ Tottenham Hotspur ១ពិន្ទុនៅពេលពួកគេបំបាក់ Norwich City ៣-០ នៅយប់មិញនេះដែរ គ្រាដែល Crystal Palace ឈរនៅលេខ១៣ ជាមួយនឹង ១៦ពិន្ទុ គិតត្រឹមសប្តាហ៍ទី១៥ ជើងទី១៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ