• តម្លៃភាគហ៊ុន Tesla បានធ្លាក់ចុះខ្លាំងបំផុតរហូតដល់ជិត ១២ភាគរយ ក្រោយ Elon Musk ចង់លក់ភាគហ៊ុន ១០ភាគរយ

    (អាមេរិក)៖ គិតត្រឹមល្ងាចថ្ងៃអង្គារទី០៩ ខែវិច្ឆិកាម្សិលមិញនេះ តម្លៃភាគហ៊ុនរបស់ក្រុមហ៊ុន Tesla បានធ្លាក់ចុះរហូតដល់ជិត ១២ភាគរយ ដែល ការធ្លាក់ចុះយ៉ាងគំហុកនេះក្រោយពេលដែលលោក Elon Musk បានបង្ហោះសារស្ទង់មតិនៅលើបណ្ដាញសង្គម Twitter ពាក់ព័ន្ធនឹង លក់ ភាគហ៊ុន របស់លោកចំនួន ១០ភាគរយនៅក្នុងក្រុមហ៊ុន Tesla។

    យោងតាមការចេញផ្សាយរបស់សារព័ត៌មាន CBNC នៅថ្ងៃទី១០ ខែវិច្ឆិកា ឆ្នាំ២០២១ បានឱ្យដឹងថា ការធ្លាក់ចុះតម្លៃភាគហ៊ុនរបស់ក្រុមហ៊ុន ផលិតរថយន្តអគ្គិសនីអាមេរិកលើកនេះគឺជាការធ្លាក់ចុះដ៏ធំប្រចាំឆ្នាំ។

    នៅក្នុងឆ្នាំ២០២១នេះ តម្លៃភាគហ៊ុនរបស់ក្រុមហ៊ុន Tesla គឺបានកើនឡើងរហូតដល់ ៤៧ភាគរយ ពោលគឺកើនឡើងទ្វេដងបើធៀបទៅនឹងឆ្នាំ ២០២០ ប៉ុន្តែវាបានធ្លាក់ចុះរហូតដល់ ១១,៩៩ភាគរយនៅថ្ងៃអង្គារម្សិលមិញនេះ បន្ទាប់ពីលោក Elon Musk នាយកប្រតិបត្តិ បានបានបង្ហោះសារស្ទង់មតិនៅលើបណ្ដាញសង្គម Twitter ពាក់ព័ន្ធនឹង លក់ ភាគហ៊ុន របស់លោកចំនួន ១០ភាគរយនៅក្នុងក្រុមហ៊ុន Tesla ហើយ មូលហេតុដែលលោកស្ទង់មតិនេះគឺពាក់ព័ន្ធនឹងការគម្រោងប្រមូលពន្ធរបស់អាមេរិកពីកំពូលមហាសេដ្ឋីនានាៗ។

    គួរបញ្ជាក់ផងដែរថា កាលពីចុងខែតុលាកន្លងទៅនេះ តម្លៃក្រុមហ៊ុន Tesla នៅលើទីផ្សារបានកើនឡើងដល់ ១ពាន់ពាន់លានដុល្លារអាមេរិក ក្រោយ ពេលក្រុមហ៊ុនផ្ដល់សេវាកម្មជួលរថយន្ត Hertz បានធ្វើការបញ្ជាទិញរថយន្តអគ្គិសនីពីក្រុមហ៊ុន Tesla ចំនួន ១០០០០០គ្រឿង៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ