• សមត្ថកិច្ច ចាប់បានរថយន្ដ Mercedes ស៊េរីទំនើប ពាក់ស្លាកលេខនគរបាលក្លែងក្លាយ និងបំពាក់សារ៉ែន ចាត់ការតាមច្បាប់

    រថយន្ដ Mercedes ស៊េរីទំនើបមួយគ្រឿង ដែលពាក់ស្លាកលេខនគរបាលក្លែងក្លាយ និងដាក់ LOGO ប៉ូលីសថែមទៀតនោះ ត្រូវបាននាយឧត្ដមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ បញ្ជាឲ្យសមត្ថកិច្ចស្ទូចយកទៅរក្សាទុក នៅការិយាល័យចរាចរណ៍ផ្លូវគោក ដើម្បីចាត់វិធានការតាមផ្លូវច្បាប់ នៅថ្ងៃទី០១ ខែវិច្ឆិកា ឆ្នាំ២០២១នេះ។

    រថយន្តខាងលើ ពាក់ស្លាកលេខក្លែងក្លាយ ន.ប 2-1449។ មិនតែប៉ុណ្ណោះ រថយន្តដ៏ទំនើបមួយនេះបានបំពាក់សារ៉ែន ហើយដាក់ឡូហ្គោ ប៉ូលីស ថែមទៀតផង។ រថយន្ត Mercedes ដែលពាក់ស្លាកលេខនគរបាលក្លែងក្លាយនេះ ត្រូវបានគេប្រទះឃើញចត នៅមុខអាគារអូឡាំព្យា ក្នុងខណ្ឌ៧មករា នាព្រឹកថ្ងៃទី០១ ខែវិច្ឆិកា ឆ្នាំ២០២១នេះ ផ្ទាល់តែម្តង។

    នាយឧត្ដមសេនីយ៍សន្ដិបណ្ឌិត នេត សាវឿន បានថ្លែងប្រាប់បណ្ដាញព័ត៌មាន Fresh News ថា “ក្រោយពីទទួលបានព័ត៌មាន ខ្ញុំបានបញ្ជាឲ្យសមត្ថកិច្ចស្ទូចយកទៅរក្សាទុក នៅការិយាល័យចរាចរណ៍ផ្លូវគោក ដើម្បីចាប់វិធានការតាមផ្លូវច្បាប់”៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ