• Mbappe នឹងផ្ទេរ​ទៅ​ Real  Madrid ​ដោយ​គ្មាន​តម្លៃ​ខ្លួន​​​រដូវ​​ក្ដៅ​​ក្រោយ

    ខ្សែ​ប្រយុទ្ធ​ជម្រើស​ជាតិ​បារាំង Kylian Mbappe នឹង​ទៅ​ចូល​រួម​ជា​មួយ Real Madrid នៅ​រដូវ​ក្ដៅ​​ក្រោយ​ដោយ​គ្មាន​តម្លៃ​ខ្លួន​ ​បន្ទាប់​ពី​កុង​ត្រា​របស់​គេ​ត្រូវ​​បាន​ផុត​ជា​មួយ PSG ​ពេល​ចប់​​រដូវ​កាល​២០២១​។

    ​ការ​ចរចារ​របស់​ Real Madrid ក្នុង​ការ​ប៉ុនប៉ង​​យក​ Kylian Mbappe​ ​​នៅ​រ​ដូវ​កាលនេះ​ត្រូវ​បាន​​បរាជ័យ​ បើ​ទោះ​ពួក​​ហ៊ាន​ផ្ដល់​​តម្លៃ​ផ្ទេរ​ចេញ​ដល់ PSG រហូត​ដល់​ទៅ​១៨៩​លាន​ផោន​ក៏​ដោយ​។ PSG បាន​ច្រាន​ចោល​ការ​តាម​ប្រមាញ់​យក​​ Mbappe ជា​ច្រើន​លើក​ ដោយ​ចង់​រក្សា​ទុក​ខ្សែ​ប្រយុទ្ធ​រូប​នេះ​ដើម្បី​បាន​លេង​ជុំ Messi និង Neymar ក្នុង​គោលដៅ​ធំ​បំផុត​ដើម្បី​​ឈ្នះ UEFA Champions League ។

    យ៉ាង​ណា​បើ​ទោះ​រដូវ​កាលនេះ​ពួក​គេ​បាន​បរាជ័យ​ក្នុង​នាំ​យក​ខ្សែ​ប្រយុទ្ធ​កំពូល​ល្បឿន​ខាង​លើ ដល់រដូង​​ក្ដៅ​នៃ​​ការដោះដូរ​​​រដូវ​កាល​ក្រោយ​ Real ​នឹង​បាន​ដោយ​គ្មាន​តម្លៃ​ខ្លួន បើ​សិន Kylian Mbappe​ ​នៅ​តែ​មិន​ព្រម​ត​កុង​ត្រា​ថ្មី​ជា​មួយ PGS។ ​ទាក់​ទង​រឿង​នេះ​ PSG ​បាន​តាម​លួងលោម​ Mbappe ដើម្បី​ត​កុង​ត្រា​ថ្មី​កាល​ពី​ពី​រ​ខែ​មុន​ ប៉ុន្តែ​មិន​បាន​ជោគជ័យ​ ដោយ​ត្រូវ​បាន​គេ​ដឹង​ថា ​PSG ​បាន​ផ្ដល់​ថ្លៃ​ពលកម្ម​ដល់ ​ខ្សែ​ប្រយុទ្ធ​ជម្រើស​ជាតិ​បារាំង​​​ប្រហែល​ជា​ ៣៩ លាន​ផោន​ក្នុង​មួយ​ឆ្នាំ​​​។

    ​​ទាក់​ទង​ការ​តាម​លួងលោម​យក Kylian Mbappe ​ជា​ច្រើន​លើក​ច្រើន​សារ​របស់ Real Madrid លោក Leonardo ប្រធាន​ផ្នែក​ដោះដូរ​កីឡាករ​របស់ PSG ​ហាក់​មិន​សប្បាយ​ចិត្ត​ឡើយ​ ហើយ​ពួក​គេ​បាន​ព្យាយាម​រក្សា​ទុក​ខ្សែប្រយុទ្ធ​រូប​នេះ​តាម​ដែល​អាច​ធ្វើ​ទៅ​បាន​។ ប៉ុន្តែ​របាយការណ៍​ចុង​ក្រោយ​ត្រូវ​បាន​គេ​ដឹង​ថា Mbappe បាន​យល់​ព្រម​​​ផ្ទាល់​ខ្លួន​ ពី​​ការ​ផ្ទេរ​ទៅ​កាន់ Real Madrid ​រួច​ទៅ​ហើយ។

    ​រំលឹកថា Mbappe ត្រូវ​បាន PGS ទិញ​មក​ពី Monaco កាល​ពី​ឆ្នាំ​២០១៧ ជា​មួយ​តម្លៃ​ផ្ទេរ​ចេញ ១៦៥​​ លាន​ផោន​ ដែល​ពេល​នោះ​ត្រូវ​បាន​គេ​ដឹង​ថា គឺ​បាន​យក​ឈ្នះ​​ការ​តាម​ទិញ​របស់ Real Madrid ​ផង​ដែរ​៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ