អាជ្ញាធររដ្ឋធានីហ្សាការតាកំពុងសហការជាមួយសភាពាណិជ្ជកម្ម និងឧស្សាហកម្មឥណ្ឌូណេស៊ី (Kadin) ដើម្បីរៀបចំកម្មវិធីចាក់វ៉ាក់សាំងការពារជំងឺកូវីដ-១៩ សម្រាប់ជនបរទេស។
លោក Anies Baswedan អភិបាលរដ្ឋធានីហ្សាការតាបានបញ្ជាក់ថា ជនបរទេសម្នាក់ៗត្រូវបង់ប្រាក់ចំនួន ៧០០ ០០០រូពី (ប្រមាណជិត ៤៩ដុល្លារអាម៉េរិក) សម្រាប់ការចាក់វ៉ាក់សាំង ប្រសិនបើពួកគេចង់ចាក់វ៉ាក់សាំង។ វ៉ាក់សាំងដែលប្រើសម្រាប់កម្មវិធីនេះ គឺបានមកពីក្រុមហ៊ុនផលិតឱសថ Sinopharm របស់ចិន។
ចំនួនជនបរទេសដែលកំពុងស្នាក់នៅបណ្តោះអាសន្ននៅក្នុងប្រទេសឥណ្ឌូណេស៊ីមានចំនួនច្រើន។ រដ្ឋាភិបាលរដ្ឋធានីហ្សាការតាបានប្តេជ្ញាផ្តល់វ៉ាក់សាំងចំនួន ១ ០០០ដូសក្នុងមួយថ្ងៃដល់ជនបរទេស ហើយមនុស្សរហូតដល់ ៣៥៦នាក់បានចុះឈ្មោះចាក់វ៉ាក់សាំងរួចហើយ៕
