• ឆ្នាំ២០២១នេះ បានជាប់ជាឆ្នាំដ៏ក្តៅបំផុតមួយ នៅក្នុងប្រវត្តិសាស្ត្រភពផែនដី

    (បរទេស)៖ ខែកក្កដាកន្លងទៅនេះគឺជាខែដែលក្ដៅបំផុត ជាប់កំណត់ត្រាមួយនៅក្នុងប្រវិត្តសាស្ត្រ។ ប៉ុន្តែរលកកម្ដៅដ៏អាក្រក់នេះ នៅមិនទាន់បញ្ចប់នៅឡើយទេ ខណៈឆ្នាំ២០២១នេះ គឺជាឆ្នាំមួយក្នុងចំណោមកំណត់ត្រានៃឆ្នាំទាំង ១០ ដែលមានអាកាសធាតុក្ដៅបំផុត។ នេះបើតាមការចេញផ្សាយ ដោយសារព័ត៌មាន CNA នៅរសៀលថ្ងៃសុក្រ ទី២០ ខែសីហា ឆ្នាំ២០២១។

    បើតាមក្រុមអ្នកវិទ្យាសាស្ត្រផ្នែកអាកាសធាតុ មកពីរដ្ឋបាលជាតិមហាសមុទ្រ និងបរិយាកាសរបស់សហរដ្ឋអាមេរិក NOAA (U.S. National Oceanic and Atmospheric Administration) ការឡើងកម្ដៅផែនដី គឺមានជាប់ពាក់ព័ន្ធនឹងការប្រែប្រួលអាកាសធាតុ ដែលកំពុងបង្កការព្រួយបារម្ភយ៉ាងខ្លាំង ចំពោះការឡើងកម្ដៅផែនដីនៅពេលអនាគត។
    ក្រុមអ្នកវិទ្យាសាស្ត្រអាមេរិកខាងលើនេះបានឱ្យដឹងទៀតថា ការឡើងកម្ដៅសីតុណ្ហភាព, គ្រោះរាំងស្ងួត, ភ្លើងឆេះព្រៃ និងបញ្ហាប្រែប្រួលអាកាសធាតុដទៃៗទៀត ដែលកំពុងគំរាមកំហែងសហរដ្ឋអាមេរិក អាចយកមកធ្វើជាឧទាហរណ៍ សម្រាប់ពិភពលោកទាំងមូលបាន។

    គួរបញ្ជាក់ថា ភ្លើងឆេះព្រៃធំៗជាច្រើនបាននិងកំពុងឆាបឆេះ នៅទូទាំងពិភពលោក ក្នុងនោះជាពិសេសបើតាមរូបភាពផ្កាយរណប ភ្លើងឆេះព្រៃ ដាយហ្ស៊ី (Dixie) ដែលកំពុងឆាបឆេះតំបន់ភាគខាងជើងរដ្ឋកាលីហ្វ័រញ៉ា (Northern California) សហរដ្ឋអាមេរិក បានបំផ្លាញព្រៃឈើលើផ្ទៃដី ២៣៤,០០០ហិកតា ខណៈភ្លើងឆេះព្រៃ ម៉ាកអ៊ីវ៉យ (McEvoy) ត្រូវបានគេរំពឹងថា នឹងឆេះរាលដាលកាន់តែខ្លាំងឡើងផងដែរ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ