• ក្រុមតាលីបង់បើកការបាញ់ប្រហារទៅលើហ្វូងបាតុករ ដែលទាមទារឲ្យដោតទង់ជាតិអាហ្វហ្គានីស្ថាននៅលើអគាររបស់រដ្ឋដូចមុនឡើងវិញ

    (កាប៊ុល)៖ នៅថ្ងៃពុធនេះ ប្រជាជនអាហ្វហ្គានីស្ថាន នៅក្នុងទីក្រុង Jalalabad នៃខេត្ត Nangarhar ភាគខាងកើតប្រទេស បាននាំគ្នាធ្វើបាតុកម្ម នៅតាមដងផ្លូវ ហើយបានរងការបាញ់ប្រហារបង្រ្កាប ពីសំណាក់ក្រុមតាលីបង់។ នេះបើតាមការចេញផ្សាយដោយ បណ្តាញព័ត៌មាន India Today នៅថ្ងៃពុធ ទី១៨ ខែសីហា ឆ្នាំ២០២១។

    ប្រព័ន្ធផ្វព្វផ្សាយក្នុងស្រុករបស់អាហ្វហ្គានីស្ថាន បានរាយការណ៍ថា សកម្មភាពបាតុកម្មខាងលើ ត្រូវបានធ្វើឡើង ដើម្បីទាមទារឲ្យមានការបំពាក់ទង់ជាតិប្រទេសអាហ្វហ្គានីស្ថាន នៅតាមអគារការិយាល័យដូចមុនឡើងវិញ ជំនួសឲ្យទង់របស់ក្រុមតាលីបង់។ ប៉ុន្តែក្រុមតាលីបង់ បានបើកការបាញ់ប្រហារទៅលើក្រុមបាតុករ។

    ប្រភពពីអាជ្ញាធរសុខាភិបាលក្នុងតំបន់ បានអះអាងថា មនុស្សយ៉ាងហោច២នាក់ បានបាត់បង់ជីវិត និង១២នាក់បានរងរបួស។ មិនតែប៉ុណ្ណោះ សមាជិកក្រុមតាលីបង់ ក៏ត្រូវគេអះអាងថា បានប្រើអំពើហិង្សាលើអ្នកកាសែតមួយចំនួន ដែលយកព័ត៌មានអំពីហេតុការណ៍នោះផងដែរ។

    គួរបញ្ជាក់ថា ព្រឹត្តិការណ៍ខាងលើ គឺជាសញ្ញាដំបូងមួយ នៃសំឡេងប្រឆាំងនឹងក្រុមតាលីបង់ ចាប់តាំងពីក្រុមសកម្មប្រយុទ្ធនេះ បានឡើងគ្រប់គ្រងអាហ្វហ្គានីស្ថាន កាលពីថ្ងៃអាទិត្យចុងសប្តាហ៍មុន។ ប្រជាជនអាហ្វហ្គានីស្ថានជាច្រើននាក់ បានភៀសខ្លួនចេញពីប្រទេស ហើយរាប់រយនាក់ទៀត កំពុងរង់ចាំឱកាសដូចគ្នា នៅឯព្រលានយន្តហោះទីក្រុងកាប៊ុល៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ