• ក្រុមមនុស្ស ដែលប្រមូលផ្ដុំគ្នារៀនវគ្គជោគជ័យជិត ៤០០នាក់ ត្រូវធ្វើតេស្តទាំងអស់គ្មានសល់ម្នាក់!

    ប្រជាពលរដ្ឋប្រមាណជាង ៣០០នាក់ ដែលបានលួចធ្វើការជួបជុំគ្នាល្មើសនឹងវិធានការរដ្ឋបាលរបស់រដ្ឋបាលខេត្តតាកែវ កាលពីរសៀលថ្ងៃទី១៥ ខែសីហា ឆ្នាំ២០២១ នៅបូរីរស្មី ស្ថិតនៅភូមិខ្សឹង សង្កាត់រកាក្នុង ក្រុងដូនកែវ ខេត្តតាកែវ ពេលនេះត្រូវយកសំណាកទាំងអស់។ នេះបើតាមការផ្សាយរបស់រដ្ឋបាលខេត្តតាកែវ ដឹកនាំដោយ ឯកឧត្តម អ៊ូច ភា អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តតាកែវ នាព្រឹកថ្ងៃទី១៦ ខែសីហា ឆ្នាំ២០២១ បានចុះពិនិត្យមើលផ្ទាល់នៅទីតាំង។

    សូមបញ្ជាក់ថា ក្នុងភូមិសាស្ត្រខេត្តតាកែវ ចាប់ពីថ្ងៃទី១២ ដល់ថ្ងៃទី១៩ ខែសីហា ឆ្នាំ២០២១ អាជ្ញាធរខេត្ត បានដាក់ចេញនូវការអនុវត្តវិធានការរដ្ឋបាលក្នុងភូមិសាស្ត្រខេត្តតាកែវ រយៈពេល ០៧ថ្ងៃ ដោយក្នុងនោះរួមទាំងហាមឃាត់ការជួបជុំ ហាមឃាត់ការលក់ដូរគ្រឿងស្រវឹង ព្រមទាំងដាក់បំរាមគោចរចាប់ពីម៉ោង ៩យប់ ដល់ម៉ោង ៣ទៀបភ្លឺជាដើម។

    គួររំលឹកថា កាលពីថ្ងៃទី ១៥ ខែសីហា ឆ្នាំ ២០២១ មានមនុស្សប្រុស-ស្រី ចំនួន ៣៨៥នាក់ បានជួបជុំគ្នា នៅចំណុចបុរីរស្មី សង្កាត់រកាក្នុង ក្រុងដូនកែវ ខេត្តតាកែវ ដើម្បីរៀនវគ្គអាហារបំប៉ន ។

    នៅភ្លាមៗនោះអាជ្ញាធរ និងសមត្ថកិច្ចបានធ្វើការឡោមព័ទ្ធ និងឃាត់ខ្លួនបុគ្គលទាំងនោះ ដោយមិនគរោពតាមការណែនាំរបស់អាជ្ញាធរ ក៏ដូចជាបានផ្កើនធ្វើផ្ទុយពីច្បាប់ស្តីពីវិធានការទប់ស្កាត់ការឆ្លងរាលដាលជំងឺកូវីដ-១៩ និងជំងឺឆ្លងកាចសាហាវ ។ ក្រោយពីធ្វើការឃាត់ខ្លួនហើយ មនុស្សទាំងនោះ ត្រូវបានយកសំណាក ដើម្បីធ្វើតេស្តរកមេរោគកូវីដ-១៩ ផងដែរ ។ ក្នុងនោះមានមនុស្ស ៨៥នាក់ ត្រូវបានធ្វើតេស្តភ្លាមៗនៅនឹងកន្លែង ចំណែកឯលទ្ធផលអវិជ្ជមាន៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ