• បន្ទាន់! ជប៉ុនស្នើឱ្យមនុស្សរាប់សែននាក់ជម្លៀសខ្លួន ខណៈព្យុះភ្លៀងកំពុងបោកបក់មកលើកោះ Kyushu

    (តូក្យូ)៖ អាជ្ញាធរជប៉ុនបានឲ្យដឹងនៅថ្ងៃព្រហស្បតិ៍ទី ១២ ខែសីហានេះថា ប្រជាជនរាប់សែននាក់នៅខេត្តណាហ្គាសាគី (Nagasaki) និងផ្នែកផ្សេងទៀតនៃកោះគីស៊ូ (Kyushu) ភាគនិរតីប្រទេសជប៉ុន ត្រូវបានស្នើឱ្យជម្លៀសខ្លួន ដើម្បីគេចចេញពីទឹកជំនន់ និងហានិភ័យនៃការបាក់ដីដែលបណ្តាលមកពីភ្លៀងធ្លាក់ខ្លាំង។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters នៅយប់ថ្ងៃព្រហស្បតិ៍ ទី១២ ខែសីហា ឆ្នាំ២០២១។

    ការព្រមានដែលចេញដោយទីភ្នាក់ងារឧតុនិយមជប៉ុននេះ ធ្វើឡើងនៅពេលដែលព្យុះភ្លៀងបាន និងកំពុងបោកបក់ឆ្ពោះទៅកាន់ភាគខាងលិច ។

    វីដេអូដែលផ្សាយដោយទូរទស្សន៍រដ្ឋ NHK បានបង្ហាញពីរូបភាព នៃផ្លូវដែលជន់លិចដោយទឹកជំនន់នៅតំបន់ខ្លះ និងទឹកទន្លេហៀរជិតលិចច្រាំង ខណៈភ្លៀងជាមធ្យមបានធ្លាក់នៅខែសីហានេះ ក្នុងរយៈពេល ៤៨ ម៉ោង។

    នៅចំពោះមុខបញ្ហានេះ អាជ្ញាធរបានចេញបទបញ្ជាជម្លៀសកម្រិត៥ ដែលធ្ងន់ធ្ងរបំផុត នៅតាមផ្នែកខ្លះនៃភាគកណ្តាលកោះ Kyushu ដោយព្រមានប្រជាជនឱ្យចាត់វិធានការជាបន្ទាន់ដើម្បីការពារខ្លួន៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ