• ក្រុមហ៊ុន SpaceX របស់ Elon Musk ចុះកិច្ចព្រមព្រៀងផលិតឈុតអវកាសជំនាន់ថ្មីឱ្យ NASA ក្នុងតម្លៃ ១ពាន់លានដុល្លារ

    (អាមេរិក)៖ ក្រុមហ៊ុន SpaceX របស់លោក Elon Musk នៅទីបំផុតបានចុះកិច្ចព្រមព្រៀងជាមួយអង្គការ NASA ក្នុងការផលិតឈុត (សម្លៀកបំពាក់) អវកាសជំនាន់ថ្មី ដោយត្រូវបានគេដឹងថា កិច្ចព្រមព្រៀងនេះមានតម្លៃរហូតទៅដល់ ១ពាន់លានដុល្លារ។

    យោងតាមការចេញផ្សាយរបស់សារព័ត៌មាន CNBC នៅថ្ងៃទី១០ ខែសីហា ឆ្នាំ២០២១ បានឱ្យដឹងថា ក្រុមហ៊ុន SpaceX គឺជា ក្រុមហ៊ុន អាមេរិកមួយដែលបានជោគជ័យក្នុងការអភិវឌ្ឍ និងផលិតឈុតសម្លៀកបំពាក់ឲ្យអវកាសយានិករបស់យានអវកាសរបស់ SpaceX គឺ
    យាន Dragon Spacecraft ជាពិសេសឈុតដែល SpaceX គឺមានមុខងារពិសេសអាចការពារអវកាសយានិក ពីហេតុការណ៍គ្រោះថ្នាក់អគ្គិសភ័យ និងបញ្ហាសំពាធអាកាសផ្សេងៗ។

    អង្គការ NASA ធ្លាប់បានបង្ហាញក្ដីបារម្ភចំពោះកិច្ចការផលិតឈុតអវកាសនេះ ដោយសារតែវាត្រូវប្រឈមមុខ នឹងគ្រោះថ្នាក់ទាំងអស់ សម្រាប់ អវកាសយានិក មិនថាបញ្ហាដែលកើតមានឡើងនៅក្នុងយាន និងនៅក្រៅយាននោះទេ ដូច្នេះហើយទើបវាត្រូវបាន NASA ខំប្រឹងប្រែងស្វែងរកដៃគូផលិតដែលអាចធានាលើបញ្ហានេះបាន។

    លោកស្រី Monica Witt អ្នកនាំពាក្យរបស់អង្គការ NASA បានឱ្យដឹងថា ការផ្តល់កិច្ចព្រមព្រៀងទៅឲ្យក្រុមហ៊ុន SpaceX នេះគឺជាការធ្វើឡើងឆ្លើយតបទៅនឹងសំណើរបស់ NASA ដែលបានចេញកាលពីខែកក្កដា ក្នុងការស្វែងរកក្រុមហ៊ុនទាំងឡាយណា ដែលស្ថិតនៅក្នុងឧស្សាហកម្មអវកាសដើម្បីអាចផលិតឈុតអវកាសជំនាន់ថ្មី ប្រកបដោយប្រសិទ្ធភាពទាំងសេវាកម្មនិងគុណភាព។

    យោងតាមឯកសារ និងការបញ្ជាក់ពី NASA បានឱ្យដឹងថា ក្រុមអវកាសយានិកដែលស្ថិតនៅលើស្ថានីយអន្តរជាតិស្រាវជ្រាវអវកាស (ISS) នៅតែបន្តការប្រើប្រាស់ឈុតអវកាសម៉ូដែលចាស់ដែលមានអាយុកាល ៤៥ឆ្នាំហើយ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ