• Apple បានក្លាយជាក្រុមហ៊ុនសាធារណៈដំបូងគេរបស់អាមេរិក ដែលមានតម្លៃនៅលើទីផ្សារ ២.៥ទ្រីលានដុល្លារ

    (អាមេរិក)៖ បន្ទាប់ពីតម្លៃហ៊ុនរបស់ក្រុមហ៊ុន Apple បានកើនឡើងខ្ពស់នៅក្នុងរយៈពេលប៉ុន្មានថ្ងៃជាប់ៗគ្នា បានធ្វើឲ្យតម្លៃក្រុមហ៊ុននៅលើទីផ្សារ (តម្លៃមូលធនទីផ្សារ) កើនឡើងដល់ ២.៥ទ្រីលានដុល្លារ និងបានក្លាយជាក្រុមហ៊ុនសាធារណៈដំបូងគេរបស់អាមេរិក ដែលទទួលបានតម្លៃនេះ។

    យោងតាមការចេញផ្សាយរបស់សារព័ត៌មាន Apple Insider នៅថ្ងៃទី ១៥ ខែកក្កដា ឆ្នាំ២០២១ បានឲ្យដឹងថា ភាគហ៊ុនរបស់ក្រុមហ៊ុនយក្សបច្ចេកវិទ្យាអាមេរិកមួយនេះបានកើនឡើងជាង ២ភាគរយ នៅក្នុងការជួញដូរកាលពីថ្ងៃពុធដែលនាំឱ្យតម្លៃទីផ្សារ កើនឡើងខ្ពស់ជាង ២.៥ទ្រីលានដុល្លារជាលើកដំបូង។

    ការកើនឡើងនេះ ត្រូវបានគេមើលឃើញថា តម្លៃទីផ្សាររបស់ក្រុមហ៊ុន Apple បានកើនដល់កម្រិតខ្ពស់ថ្មីនេះ គឺប្រើពេលវេលាមិនដល់មួយឆ្នាំផង ដោយកាលពីឆ្នាំមុន Apple មានតម្លៃនៅលើទីផ្សារត្រឹមតែ ២ទ្រីលានដុល្លារប៉ុណ្ណោះ។

    ចាប់តាំងពីដើមឆ្នាំ២០២១នេះមក តម្លៃហ៊ុនរបស់ក្រុមហ៊ុន Apple បានកើនឡើងជាង ១៤ភាគរយ បើធៀបទៅនឹងឆ្នាំចាស់។

    គួរបញ្ជាក់ផងដែរថា តម្លៃក្រុមហ៊ុន Apple បានកើនឡើងដល់ ២ទ្រីលានដុល្លារអាមេរិកកាលពីខែសីហា ឆ្នាំ២០២០ និងបានធ្លាក់ចុះវិញបន្តិច និងបានបន្តកើនឡើងជាលំដាប់ចាប់ពីខែវិច្ឆិកាឆ្នាំ២០២០៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ