• Facebook ចំណាយប្រាក់ជាង ១ពាន់លានដុល្លារដើម្បីផ្ដល់ឱកាសដល់ Creators ក្នុងការបង្កើតមាតិកាវីដេអូដែលទាក់ទាញ

    (អាមេរិក)៖ ក្រុមហ៊ុន Facebook បានប្រកាសថាខ្លួននឹងចំណាយប្រាក់ ១ពាន់លានដុល្លារអាមេរិក សម្រាប់ផ្ដល់ឱ្យអ្នកបង្កើតមាតិកា វីដេអូផ្សេងនៅជុំវិញពិភពលោក ឱ្យចូលរួមនៅក្នុងការប្រកួតប្រជែងបង្កើតមាតិកាដែលល្អ និងទាក់ទាញ ហើយការប្រកាសនេះត្រូវបានធ្វើឡើងបន្ទាប់ពីកម្មវិធី TikTok មានការទាញយករហូតដល់ជាង ៣ពាន់លានដងនៅជុំវិញពិភពលោក។

    យោងតាមការចេញផ្សាយរបស់សារព័ត៌មាន CNA បានឱ្យដឹងថា ទឹកប្រាក់នេះនឹងត្រូវផ្ដល់ជូនទៅលើ creators ដែលបានបង្កើតនូវ មាតិកាវីដេអូដែលទទួលបានការចាប់អារម្មណ៍ពីសំណាក់អ្នកប្រើប្រាស់ ដោយក្នុងនោះសម្រាប់ creators នៅលើ Instagram ក៏នឹង មានឱកាសទទួលប្រាក់រង្វាន់នេះផងដែរ។

    ក្រុមអ្នកវិភាគបានលើកឡើងថា សកម្មភាពរបស់ Facebook នេះគឺធ្វើឡើងចង់ទាក់ទាញ creators ផ្សេងៗនៅជុំវិញពិភពលោក ឱ្យងាក មកបង្កើតមាតិកាព័ត៌មានផ្សេងៗសម្រាប់បណ្ដាញសង្គមរបស់ខ្លួនផងដែរ ខណ: YouTube បានប្រកាសជះលុយខ្ទង់ពាន់លានដុល្លារ ដើម្បីផ្ដល់ប្រាក់ដល់អ្នកបង្កើតវីដេអូខ្លីៗដូចគ្នា និងស្របពេលដែល TikTok កំពុងតែជោគជ័យលើវិថីវីដេអូខ្លីៗ។

    គួរបញ្ជាក់ផងដែរថា ក្រុមហ៊ុន Facebook នឹងផ្ដល់ប្រាក់ ១ពាន់លានដុល្លារអាមេរិកនេះ ជារង្វាន់ដល់ creators ទាំងឡាយណា ដែល ត្រូវបាន Facebook ជ្រើសរើសឱ្យចូលរួមក្នុងការប្រកួតប្រជែងប៉ុណ្ណោះ ដោយក្នុងនោះផ្ដោតសំខាន់លើមាតិកាធំៗចំនួនពីរគឺវីដេអូ ព័ត៌មានទូទៅ តែផ្ដល់នូវអត្ថប្រយោជន៍ និងចំណេះ និងមួយទៀតគឺសម្រាប់អ្នក Live ហ្គេម៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ