• ក្រុមហ៊ុនមួយយកកាំភ្លើងពិតតុបតែងដូចជាកាំភ្លើងជ័រ បង្កភាពចម្រូងចម្រាសយ៉ាងខ្លាំងក្នុងសហរដ្ឋអាមេរិក

    (វ៉ាស៊ីនតោន)៖ ក្រុមហ៊ុនផលិតកាំភ្លើងមួយនៅក្នុងសហរដ្ឋអាមេរិក បានបង្កភាពចម្រូងចម្រាសយ៉ាងខ្លាំងតាមរយៈការចេញលក់កាំភ្លើងពិតដែលតុបតែងដូចជា កាំភ្លើងជ័រសម្រាប់កូនក្មេង ចំពេលកុមាររាប់រយនាក់ត្រូវបានគេរាយការណ៍ថាបានក្លាយជាជនរងគ្រោះដោយសារកាំភ្លើង។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នៅថ្ងៃពុធ ទី១៤ ខែកក្កដា ឆ្នាំ២០២១។

    នៅក្នុងការផ្សព្វផ្សាយពាណិជ្ជកម្មរបស់ខ្លួន ក្រុមហ៊ុន Culper Precision បានដាក់លក់កាំភ្លើងប្រភេទ Block19 ក្នុងតម្លៃចន្លោះពី ៥៤៩ដុល្លារ ដល់៧៦៥ដុល្លារ តែព្រមពេលជាមួយគ្នា ការផ្សព្វផ្សាយពាណិជ្ជកម្មរបស់ក្រុមហ៊ុនមួយ បាន និងកំពុងបង្កភាពចម្រូងចម្រាសយ៉ាងខ្លាំងនៅក្នុងសហរដ្ឋអាមេរិក ដ្បិត Block19 ត្រូវ បានតុបតែងដូចជាកាំភ្លើងជ័រសម្រាប់កូនក្មេង។

    បន្ថែមពីលើនេះ នៅក្នុងការផ្សព្វផ្សាយពាណិជ្ជកម្មដដែលក្នុងវីដេអូមួយលើ Instagram កាលពីថ្ងៃទី២៤ ខែមិថុនាកន្លងទៅ ក្រុមហ៊ុន Culper Precision ក៏បាននិយាយដូច្នេះដែរថា៖ «សប្បាយជាមួយកាំភ្លើង, សប្បាយជាមួយការបាញ់កាំភ្លើង ហើយគ្រាប់កាំភ្លើង៣០គ្រាប់ពិតជាគួរឱ្យសប្បាយ»។ តែក្រោយរងការ រិះគន់ វីដេអូនេះត្រូវបានលុបចោលវិញ។

    គួបញ្ជាក់ថា អង្គការ Moms Demand Action ដែលធ្វើការពាក់ព័ន្ធជាមួយកាំភ្លើង បានឱ្យដឹងថាក្នុងឆ្នាំ២០២១នេះ មានឧបទ្ទវហេតុបាញ់ប្រហារច្រើនជាង ១៦៥លើក បង្កឡើងដោយកុមារនៅក្នុងសហរដ្ឋអាមេរិក ហើយកាលពីឆ្នាំ២០២០ មនុស្ស ១៤២នាក់បានស្លាប់ដោយសារហេតុការណ៍បាញ់ប្រហាររាលកៃ ដោយកុមារ ឬក្មេងជំទង់៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ