• UN ទទួលស្គាល់ការឡើងកម្ដៅបំបែកកំណត់ត្រាថ្មីមួយ ដល់ទៅ ១៨.៣អង្សាសេ នៅទ្វីបអង់តាក់ទិច

    (ហ្សឺណែវ)៖ អង្គការសហប្រជាជាតិនៅថ្ងៃព្រហស្បតិ៍សប្ដាហ៍នេះបានទទួលស្គាល់ពីការកើនឡើងកម្ដៅបំបែកកំណត់ត្រាថ្មីមួយនៅលើទ្វីបអង់តាក់ទិច រហូតដល់ទៅ ១៨.៣អង្សាសេ កាលពីឆ្នាំ២០២០កន្លងទៅ។ នេះបើតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃសុក្រ ទី០២ ខែកក្កដា ឆ្នាំ២០២១។

    បើតាមអង្គការឧតុនិយមពិភពលោក (WMO) របស់អង្គការសហរប្រជាជាតិ ការឡើងកម្ដៅខាងលើត្រូវបានរាយការណ៍នៅឯស្ថានីយស្រាវជ្រាវ Esperanza នៃប្រទេសអាហ្សង់ទីននៅលើឧបទ្វីបអង់តាក់ទិច កាលពីថ្ងៃទី០៦ ខែកុម្ភៈ ឆ្នាំ២០២០។ អគ្គលេខាធិការ WMO លោក Petteri Taalas បានគូសបញ្ជាក់ថា ការឡើងកម្ដៅបំបែកកំណត់ត្រាថ្មីខាងលើមានជាប់ពាក់ព័ន្ធនឹងការ ប្រែប្រួលអាកាសធាតុនាពេលបច្ចុប្បន្ន។

    គួរបញ្ជាក់ថា ការឡើងកម្ដៅបំបែកកំណត់ត្រាកាលពីពេលមុនលើទ្វីបអង់តាក់ទិច ពោលគឺលើតំបន់ដីគោក និងតំបន់ជុំវិញកោះនៃទ្វីបមួយនេះគឺ ១៧.៥អង្សាសេ នៅឯស្ថានីយស្រាវជ្រាវ Esperanza កាលពីថ្ងៃទី២៤ ខែមីនា ឆ្នាំ២០១៥៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ