• រុស្ស៊ីមើលឃើញការកើនឡើង នៃករណីឆ្លងកូវីដ១៩ ច្រើនបំផុតមិនធ្លាប់មាន គិតចាប់តាំងពីខែមករាមក

    (ម៉ូស្គូ)៖ មជ្ឍមណ្ឌលត្រួតពិនិត្យ និងឆ្លើយតបជំងឺឆ្លងរុស្ស៊ីបានរាយការណ៍ឲ្យដឹងថា ប្រទេសរុស្ស៉ីបានកត់ត្រាករណីថ្មី នៃឆ្លងកូវីដ១៩ ចំនួន ២០,១៨២ករណីក្នុងរយៈពេល ២៤ម៉ោងកន្លងចុងក្រោយនេះ ដែលជាការកើនឡើងករណីឆ្លងប្រចាំថ្ងៃខ្ពស់បំផុតចាប់តាំងពីថ្ងៃទី២៤ ខែមករាមក។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នៅថ្ងៃព្រហស្បតិ៍ ទី២៤ ខែមិថុនា ឆ្នាំ២០២១។

    នៅថ្ងៃជាមួយគ្នានេះ រុស្ស៊ីក៏បានរកឃើញអ្នកស្លាប់ថ្មីដោយសារជំងឺដ៏កាចសាហាវនេះចំនួន ៥៦៨នាក់ទៀតផងដែរ។

    ទីក្រុងមូ៉ស្គូដែលជាតំបន់ដែលរងគ្រោះខ្លាំងជាងគេបង្អស់របស់ប្រទេសរុស្ស៊ីបានរាយការណ៍ថា មានករណីថ្មីចំនួន ៨,៥៩៨ ករណី ដែលធ្វើឲ្យចំនួនករណីឆ្លងសរុបនៅទូទាំងទីក្រុងមួយនេះបានកើនឡើងដល់ ១,៣១៥,៨៤១ករណី។

    សរុបមមកវិញ នៅទូទាំងប្រទេសរុស្ស៊ីមានអ្នកឆ្លង ៥,៣៨៨,៦៩៥ករណី ក្នុងនោះស្លាប់ ១៣១,៤៦៣នាក់៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ