• Apple នឹងបញ្ឈប់ការផលិត iPhone 12 mini

    Apple នឹងបញ្ឈប់ការផលិត iPhone 12 mini ហើយផ្ដោតទៅលើការលក់ម៉ូឌែល iPhone 12 ដទៃទៀត នេះបើយោងទៅតាមប្រភពពី TrendForce ដែលជាភ្នាក់ងារផ្ដល់របាយការណ៍ឈានមុខគេលើលោក។

    iPhone 12 mini ជាស្មាតហ្វូនខ្នាតតូច មានអេក្រង់ ៥,៤អ៊ិញ មានតម្លៃធូរថ្លៃជាងគេត្រឹម ៦៩៩ដុល្លារ ពេលប្រកាសចេញ។ ប៉ុន្ដែជាអកុសល វាមិនទទួលបានការពេញនិយមពីអ្នកប្រើជាច្រើននោះឡើយ ធ្វើឱ្យការលក់របស់វាមានសន្ទុះយឺត និងលក់បានតិច គឺលក់បានត្រឹម ៥% ប៉ុណ្ណោះ នៃការលក់ iPhone 12 គ្រប់ម៉ូឌែលទាំងអស់។

    ហេតុផលសំខាន់ផ្សេងទៀត ធ្វើឱ្យអ្នកប្រើកាន់តែមិនសូវពេញចិត្តនោះ ព្រោះតែថាមពលថ្មតូចរបស់វា គឺត្រឹម 2227mAh យោងទៅតាមការធ្វើតេសជាច្រើន ស្មាតហ្វូននេះប្រើប្រាស់បានត្រឹមតែកន្លះថ្ងៃ និងនៅសល់ថាមពលថ្ម ត្រឹម ២០% តែប៉ុណ្ណោះ។

    ប៉ុន្តែយ៉ាងណា ត្បិតមិនមែនជាដំណឹងផ្លូវការពី Apple យើងមិនទាន់ច្បាស់ទាំងស្រុងឡើយ ថាក្រុមហ៊ុននៅតែបន្តវិវឌ្ឍ iPhone 12 mini ឬមានការកែខៃឱ្យខ្លាំងបន្ថែមទៀតឬយ៉ាងណានៅឡើយទេ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ