• សោកស្តាយ! បុរសមានប្រពន្ធ៣៨នាក់នៅប្រទេស ឥណ្ឌា បានស្លាប់ហើយដោយបន្សល់ទុកកូននិងចៅ ១០០នាក់ជាង

    លោក Ziona Chana មានអាយុ ៧៦ ឆ្នាំដែលត្រូវបានគេជឿថាជាមេគ្រួសារដ៏ធំបំផុតនៅលើពិភពលោកបានស្លាប់ហើយ នៅក្នុងរដ្ឋមីហ្សូរ៉ាម ប្រទេសឥណ្ឌា។

    បុរសដែលមានប្រពន្ធច្រើនរូបនេះ បានទទួលមរណភាពកាលពីថ្ងៃអាទិត្យ ទី ១៣ ខែមិថុនា ឆ្នាំ២០២១ ដោយបន្សល់ទុកភរិយាចំនួន ៣៨ នាក់ កូន ៨៩ នាក់ និងចៅ ៣៦ នាក់។ មូលហេតុនៃការស្លាប់របស់លោក Chana ត្រូវបានឱ្យដឹងថាគាត់មានជំងឺប្រចាំកាយ គឺ ទឹកនោមផ្អែមនិងជំងឺលើសឈាម។ ស្ថានភាពរបស់លោក Chana កាន់តែយ៉ាប់យ៉ឺនបន្ទាប់ពីត្រូវបានព្យាបាលនៅផ្ទះនៅក្នុងភូមិរបស់គាត់។ គាត់ត្រូវបានគេបញ្ជូនទៅមន្ទីរពេទ្យនៅល្ងាចថ្ងៃអាទិត្យជាកន្លែងដែលគាត់ត្រូវបានគេប្រកាសថាបានស្លាប់។

    ក្រុមគ្រួសារដ៏ធំសម្បើមរស់នៅជាមួយគ្នានៅក្នុងផ្ទះ ៤ ជាន់ដែលមានឈ្មោះថា “Chuuar Than Run” ឬផ្ទះជំនាន់ថ្មីដែលមាន ១០០ បន្ទប់។ ផ្ទះដ៏សែនធំប្រៀបដូចវិមាននេះគឺជាកន្លែងទាក់ទាញភ្ញៀវទេសចរដ៏សំខាន់មួយប្រចាំរដ្ឋ ដែលមានប្រជាជនមកពីជុំវិញពិភពលោកតែងមកទស្សនាពីរបៀបរស់នៅរបស់លោក Chana ។ យោងតាមសារព័ត៌មាន រ៉យទ័រ លោក Chana បានកើតក្នុងឆ្នាំ ១៩៤៥។ គាត់បានជួបប្រពន្ធចាស់ជាងគេរបស់គាត់ដែលមានអាយុលើសគាត់ ៣ ឆ្នាំនៅពេលដែលគាត់មានអាយុ ១៧ ឆ្នាំ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ