• ចាប់ពីថ្ងៃនេះដល់ថ្ងៃទី១៦ ឧសភា, កម្ពុជានឹងមានភ្លៀងលាយឡំជាមួយផ្គរ រន្ទះ និងខ្យល់កន្ត្រាក់ មានល្បឿនខ្លាំងស្ទើរគ្រប់ទីកន្លែង សូមបង្កើនការប្រុងប្រយ័ត្ន

    (ភ្នំពេញ)៖ ក្រសួងធនធានទឹក និងឧតុនិយម បានជូនដំណឹងបន្ថែមពីអាកាសធាតុចាប់ពីថ្ងៃនេះ ដល់ថ្ងៃទី១៦ ខែឧសភា ដោយទទួលឥទ្ធិពល ពីបណ្តុំសម្ពាធទាបរួមជាមួយនឹងខ្យល់និរតី ដែលបក់មកពីឈូងសមុទ្រថៃ នាំឲ្យមានភ្លៀងលាយផ្គរ រន្ទះ និងខ្យល់មានល្បឿនលឿនស្ទើរគ្រប់ទីកន្លែង។

    ក្រសួងធនធានទឹក បានបញ្ជាក់ថា តាមរយៈការវិវត្តន៍ជាក់ស្តែងនៃស្ថានភាពអាកាសធាតុឃើញថា បណ្តុំសម្ពាធទាបរួមជាមួយនឹងខ្យល់និរតីដែលបក់មកពីឈូងសមុទ្រថៃ នឹងមានឥទ្ធិពលខ្លាំងមកលើព្រះរាជាណាចក្រកម្ពុជា។

    លក្ខណ:បែបនេះ នឹងធ្វើឲ្យ៖

    * តំបន់ជួរភ្នំដងរែក និងខ្ពង់រាបភាគឦសាន រួមមាន៖ ខេត្តរតនគិរី មណ្ឌលគិរី ស្ទឹងត្រែង ឧត្តរមានជ័យ និងខេត្តព្រះវិហារ
    * តំបន់វាលទំនាបកណ្តាល និងតំបន់មាត់សមុទ្រ រួមមាន៖ ខេត្តតាកែវ កណ្តាល កំពង់ស្ពឺ កំពង់ឆ្នាំង ពោធិ៍សាត់ បាត់ដំបង បន្ទាយមានជ័យ ប៉ៃលិន កំពង់ធំ ព្រះសីហនុ និងខេត្តកោះកុង នឹងមានភ្លៀងលាយឡំជាមួយ ផ្គររន្ទះ ពីបង្គួរទៅខ្លាំងស្ទើគ្រប់ទីកន្លែង និងមានខ្យល់កន្ត្រាក់មានល្បឿនខ្លាំង (ខ្យល់មុខកាត់ Wind Shears) ពី ១០-២០ម៉ែត្រ ក្នុងមួយវិនាទី និងផ្ទៃសមុទ្រមានរលកមធ្យម។
    ជាមួយគ្នានេះក្រសួងធនធានទឹក សូមឲ្យប្រជាពលរដ្ឋជ្រាបជាព័ត៌មាន និងបង្កើនការប្រុងប្រយ័ត្នបានគ្រប់គ្នា៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ