• ថៃរកឃើញអ្នកឆ្លងកូវីដ-១៩ជិត ២,០០០នាក់ទៀត ខណៈអ្នកជំងឺ ៣១បាត់បង់ជីវិតនៅក្នុង១ថ្ងៃ

    (បាងកក)៖ មជ្ឈមណ្ឌលគ្រប់គ្រងស្ថានការណ៍ COVID-19 នៅក្នុងប្រទេសថៃ (CCSA) បានប្រកាសនៅរសៀលថ្ងៃអង្គារ ទី១១ ខែឧសភា ឆ្នាំ២០២១នេះថា មនុស្សចំនួន ១,៩១៩នាក់ទៀតបានធ្វើតេស្តវិជ្ជមាន COVID-19 និងអ្នកជំងឺ ៣១នាក់បានបាត់បង់ជីវិត នៅក្នុងរយៈពេល ២៤ម៉ោងកន្លងទៅ។ នេះបើតាមការចេញផ្សាយ ដោយសារព័ត៌មានថៃ The Nation។

    បើតាមទិន្នន័យពី CCSA ទីក្រុងបាងកកបានរ៉ាប់រងករណីស្លាប់ច្រើនជាងគេ រហូតដល់ទី ១៧នាក់ ក្នុងចំណោមករណីស្លាប់ទាំង ៣១នាក់ខាងលើ។ សម្រាប់ករណីវិជ្ជមានថ្មីៗទាំង ១,៩១៩នាក់ គឺមានតែ ១៧នាក់ប៉ុណ្ណោះជាករណីនាំចូលពីបរទេស។

    គួរបញ្ជាក់ថា គិតត្រឹមថ្ងៃអង្គារនេះ ប្រទេសថៃមានករណីឆ្លង COVID-19 សរុប ៨៦,៩២៤ករណី ក្នុងនោះមានអ្នកស្លាប់ ៤៥២នាក់ និងជាសះស្បើយវិញ ៥៧,០៣៧នាក់ ខណៈអ្នកជំងឺ ២៩,៤៣៥នាក់កំពុងសម្រាកព្យាបាល៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ