• Man Utd ឡើងទៅប៉ះ Villarreal ដណ្តើមពាន UEL ទោះចាញ់ម្ចាស់ផ្ទះ Roma ៣-២ ក៏ដោយ

    (ក្រុងរ៉ូម)៖ ទោះចាញ់ម្ចាស់ផ្ទះ AS Roma ក្នុងលទ្ធផល ៣-២ ក្នុងជើងទី២ ក៏ដោយ ក៏មិនអាចរារាំងក្រុមបិសាចក្រហម Manchester United ឡើងទៅវគ្គផ្តាច់ព្រ័ត្រដណ្តើមពាន UEFA Europa League បានដែរ ដ្បិតពួកគេឈ្នះ ៦-២ កាលពីជើងទី១ នៅកីឡដ្ឋាន Old Trafford។

    Man Utd ជាអតីតម្ចាស់ជើងឯក UEL កាលឆ្នាំ២០១៧ ក្រោមការបង្វឹករបស់លោក Jose Mourinho ដែលត្រូវបានតែងតាំងឲ្យដឹកនាំ Roma ចាប់ពីរដូវកាល ២០២១-២០២២ តទៅ ក្រោមកិច្ចសន្យារយៈពេល ៣ឆ្នាំ។

    នេះក៏ជាការដឹកនាំបិសាចក្រហមឡើងវគ្គ Final លើកដំបូងរបស់លោក Ole Gunnar Solskjaer តែបានបញ្ចប់កំណត់ដែលលេងនៅ UEL ៧ប្រកួតកន្លងមកមិនដែលចាញ់ តាមរយៈបរាជ័យ ៣-២ នៅទឹកដីប្រទេសអ៉ីតាលី។ ខ្សែប្រយុទ្ធប្រយុទ្ធ Edinson Cavani រកបានគ្រាប់បាល់ទាំង ២ជើងនៃវគ្គ ៤ក្រុមចុងក្រោយ ដ្បិរូបគេទើបផ្ទេរក្លិបបារាំង Paris Saint-Germain ក្នុងរដូវកាលនេះ។

    សម្រាប់វគ្គផ្តាច់ព្រ័ត្ររវាង Villarreal ទល់នឹង Manchester United នឹងធ្វើឡើងនៅរាត្រីថ្ងៃទី២៦ ខែឧសភា ឆ្នាំ២០២១ នៅកីឡដ្ឋាន Gdansk’s Stadion ស្ថិតក្នុងប្រទេសប៉ូឡូញ មុន ៣ថ្ងៃផ្តាច់ព្រ័ត្រពានធំ UEFA Champions League រវាងក្រុម Chelsea ប៉ះ Manchester City ដែលនឹងធ្វើឡើងនៅប្រទេសតួកគី៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ