ចំនួនអ្នកស្លាប់នៅប្រេស៊ីលដោយសារកូវីដ.១៩ បានកើនឡើងដូចទឹកបាក់ទំនប់ ក្រោយប្រទេសនៅអាមេរិកខាងត្បូងមួយនេះកត់ត្រាចំនួនអ្នកស្លាប់ជាង ៣សែននាក់។
ឆ្លើយតបជាមួយស្ថានភាពទប់លែងជាប់នេះ លោករដ្ឋមន្ត្រីសុខាភិបាលថ្មីរបស់ប្រេស៊ីលបានប្ដេជ្ញាពន្លឿនការចាក់វ៉ាក់សាំងឲ្យបាន ១លាននាក់ក្នុង១ថ្ងៃ។ តាមតួលេខ ប្រេស៊ីលគឺជាប្រទេសដែលមានអ្នកស្លាប់ដោយកូវីដច្រើនជាងគេទី២ នៅលើពិភពលោកបន្ទាប់ពីអាមេរិក។
កាលពីប៉ុន្មានថ្ងៃមុន ប្រទេសប្រេស៊ីលទើបទទួលបានវ៉ាក់សាំងកូវីដ.១៩ ចំនួន ១០២២៤០០ ដូស តាមយន្តការ COVAX របស់អង្គការសុខភាពពិភពលោក (WHO)។ រដ្ឋកាន់សាសនាគ្រិស្តមួយនេះមានអ្នកឆ្លងកូវីដប្រមាណ ១២,២លាននាក់ និងជាសះស្បើយ ១០,៨លាននាក់៕
