គ្រូបង្វឹកគុនខ្មែរ ស៊ន អេលីត ត្រូវជាបងប្រុសបង្កើតរបស់ ស៊ន សៀវម៉ី បញ្ជាក់បន្ថែមជុំវិញការសែនព្រេនរបស់ប្អូនស្រីខ្លួន ស៊ន សៀវម៉ី ដែលទើបទទួលបានងារជាជំទាវកាលពីពេលថ្មីៗនេះ។
បើតាមការបញ្ជាក់របស់គ្រូបង្ហាត់គុនខ្មែរខាងលើ បានរៀបរាប់ថា សៀវម៉ី និង គូដណ្ដឹង កែវ ដេវីត ត្រូវចូលរោងការថ្ងៃនេះ ព្រោះដេញវេលាមកចំថ្ងៃនេះ។ ប៉ុន្តែដោយសារផ្ទុះកូវីដ១៩ ខ្លាំង ក៏សម្រេចសែនព្រេនតិចតួច ដោយលើកពេលរៀបការទៅចុងឆ្នាំនេះវិញ។
សៀវម៉ី ជាកីឡាការិនីតេក្វាន់ដូ ដែលមានសមត្ថភាពម្នាក់របស់កម្ពុជា ហើយដណ្ដើមបានមេដាយមាស កម្រិតអាស៊ីឆ្នាំ២០១៤ ជូនកម្ពុជា និងឈ្នះមេដាយមាសស៊ីហ្គេមចំនួន៣លើកនៅឆ្នាំ២០១៣ , ២០១៧ និង ២០១៩៕
