• Ronaldo បង្កើតកំណត់ត្រាថ្មី ដោយរកបាន១៥គ្រាប់ ក្នុងមួយរដូវកាល រយៈពេល១៥រដូវកាលជាប់គ្នា

    (អ៊ីតាលី)៖ កីឡាករខ្សែប្រយុទ្ធ Cristiano Ronaldo របស់ក្លិប Juventus បានបង្កើតកំណត់ត្រា ក្នុងការរកបានគ្រាប់បាល់មួយទៀត នាថ្ងៃអាទិត្យ ដោយកីឡាកររូបនេះ បានក្លាយជាកីឡាករដំបូងគេ ដែលរកបានគ្រាប់បាល់យ៉ាងហោចណាស់១៥គ្រាប់ ក្នុងមួយរដូវកាល នៃ១៥រដូវកាលចុងក្រោយនេះ នៅក្នុងក្របខណ្ឌកំពូលចំនួន៥ របស់អឺរ៉ុប, នេះបើយោងតាមសារព័ត៌មាន CNA ចេញផ្សាយនាយប់ថ្ងៃទី១១ ខែមករា ឆ្នាំ២០២១នេះ។

    កីឡាករជនជាតិព័រទុយហ្គាល់ វ័យ៣៥ឆ្នាំរូបនេះ រកបានគ្រាប់បាល់ចំនួន១៥គ្រាប់ ក្នុងការបង្ហាញខ្លួន ចំនួន១៣ដង នៃក្របខណ្ឌ Serie A នៅរដូវកាលនេះ, ជាគោលដៅសំខាន់មួយ ដែលលោកសម្រេចបានរាល់ឆ្នាំ ចាប់តាំងពីយុទ្ធនាការ ឆ្នាំ២០០៦-២០០៧ កំឡុងពេលលេងនៅក្លិប ក្រុម Manchester United, Real Madrid និង Juve ។

    កំណត់ត្រានេះ បានអនុវត្តលើលីកកំពូលទាំង៥ នៅក្នុងប្រទេសស្ថិតក្នុងស្ថាប័ន UEFA ដូចជា ៖ ក្របខណ្ឌ La Liga របស់អេស្បាញ , Premier League របស់អង់គ្លេស, Serie A របស់អ៊ីតាលី, Bundesliga របស់អាល្លឺម៉ង់ និង Ligue 1 របស់បារាំង។

    Ronaldo បានចូលលេងនៅក្លិប Juventus ក្នុងរដូវក្តៅ ឆ្នាំ២០១៨ និងបានឈ្នះពាន់រង្វាន់ក្របខណ្ឌកំពូល នៅទីក្រុង Turin របស់អ៊ីតាលី, រកបានគ្រាប់បាល់សរុប៨៤គ្រាប់ ក្នុងការបង្ហាញខ្លួន១០៤ប្រកួត សម្រាប់ក្លិបមួយនេះ។

    ប្រធានក្រុមបាល់ទាត់ជម្រើសជាតិព័រទុយហ្គាល់រូបនេះ គិតមកទល់ពេលនេះ រកបានគ្រាប់បាល់៧៥៩គ្រាប់ហើយ សម្រាប់ក្លិប និងប្រទេសរបស់ខ្លួន និងទទួលបានកំណត់ត្រាកីឡាករ ដែលរកបានគ្រាប់បាល់ច្រើនបំផុត៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ