• Everton ចាញ់លើកដំបូងនៅ Premier League ក្រោមថ្វីជើងរបស់ Southampton

    (ក្រុងឡុងដ៍)៖ នៅទីបំផុតក្រុមខ្លាំងប្រចាំទីក្រុង London រដូវកាលនេះ Everton បានស្គាល់បរាជ័យហើយក្នុងចំណោម ៦ប្រកួតនៅ Premier League បន្ទាប់ពីចាញ់ម្ចាស់ផ្ទះ Southampton ២-០ នៅរាត្រីថ្ងៃអាទិត្យ ទី២៥ ខែតុលា ឆ្នាំ២០២០។

    ក្រុមដែលកំពុងដឹកនាំដោយគ្រូបង្វឹកសញ្ជាតិអ៉ីតាលី Carlo Ancelotti រកបានជ័យជម្នះ ៤ប្រកួតជាប់ និងស្មើ១ រកបាន ១៣ពិន្ទុឈរនៅកំពូលតារាងនៃ Premier League ជាបណ្តោះអាសន្នផងដែរ មុនមកភ្លាត់ស្នៀតចាញ់ម្ចាស់ផ្ទះ Southampton ដែលលេងស្មើ ៣-៣ ទល់នឹងតោខៀវ Chelsea កាលពីសប្តាហ៍មុន ក្នុងលទ្ធផល ២-០។

    ក្នុងជំនួបនោះដែរ កីឡាករខ្សែការពារស្លាបឆ្វេង Lucas Digne របស់ក្លិបស្ករគ្រាប់ Everton ក៏ត្រូវបានពិន័យកាតក្រហម ផងដែរនៅនាទី៧២ ដែលត្រូវបានអ្នកចាត់ការទូទៅ លោក Ancelotti ថ្លែងប្រាប់ BBC ក្រោយចប់ការប្រកួតថា «វាជារឿងគួរអស់សំណើច»។

    កីឡាករ James Ward-Prowse ជាអ្នករកបានគ្រាប់បែកពងមាន់ឲ្យ Southampton នៅនាទី២៧ ក្រោយទទួលបាល់ពី Danny Ings និង ៨នាទីបន្ទាប់ Che Adams រកបានគ្រាប់ទី២ ទៀត ពីការបញ្ជូនរបស់ Ings ដដែល ក្នុងខណៈរូបគេ (Ings) រកបាន ៤គ្រាប់ច្រើនជាងគេក្នុងក្លិបផងដែរនៅដើមរដូវកាលនេះ ជួយក្រុមឈរនៅលេខរៀងទី៦ ដោយមាន ១០ពិន្ទុស្មើជាមួយ Leeds United ដែលឈរនៅលេខរៀងទី៥៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ