• តារារ៉េបសិចស៉ី Cardi B ទម្លាយមូលហេតុពិត នៃការលែងលះជាមួយស្វាមី

    (បរទេស)៖ តារាចម្រៀងរ៉េបល្បីឈ្មោះរបស់អាមេរិក Cardi B បានដាច់ចិត្តទម្លាយមូលហេតុពិតប្រាកដ ដែលនាំទំនាក់ទំនងរវាងនាង និងស្វាមី គឺ Offset បានឈានដល់ទីបញ្ចប់ ខណៈនៅថ្ងៃសៅរ៍កន្លងទៅនេះ នាងបានធ្វើការ Live វីដេអូ បង្ហាញទៅកាន់អ្នក Follow ចំនួន ៧៥.៥ លាននាក់ថា ការលែងលះនេះ មិនធ្វើឲ្យនាងខូចចិត្តនិងឈឺចាប់នោះទេ។ នេះបើតាមការចេញផ្សាយរបស់សារព័ត៌មាន Arab News នៅថ្ងៃទី២១ ខែកញ្ញា ឆ្នាំ២០២០។

    តារារ៉េបសិចស៉ី Cardi B ដែលទើបតែទៅដាក់ពាក្យលែងលះស្វាមីនៅតុលាការនៅដើមខែកញ្ញានេះ បានប្រាប់ទៅដល់អ្នកគាំទ្ររបស់នាងយ៉ាងខ្លីថា មូលហេតុដែលនាងបែកបាក់គ្នា គឺដោយសារការរស់នៅមិនចុះសម្រុងគ្នា ពោលគឺការបែកបាក់នេះ មិនមែនមកពីភាពមិនស្មោះត្រង់របស់ស្វាមីរបស់នាងកន្លងមកនោះទេ។

    តារាចម្រៀងរូបនេះនិយាយថា នាងនិងស្វាមីបានចែកផ្លូវគ្នាអស់រយៈពេល៣ឆ្នាំមកហើយ គឺតាំងពីខែកញ្ញា ឆ្នាំ២០១៧មកម្ល៉េះ ប៉ុន្តែមិនបង្ហាញពីសាធារណៈ។ តែយ៉ាងណារឿងនេះ បានបែកធ្លាយក្នុងខែធ្នូ ឆ្នាំ២០១៨ បន្ទាប់ពីពួកគេបានស្វាគមន៍កូនស្រីដំបូង ឈ្មោះ Kulture។

    គួរជម្រាបថា Cardi B គឺជាតារារ៉េបដ៏មានប្រជាប្រិយភាពមួយរូប ដែលមានអ្នកគាំទ្រជាច្រើនលាននាក់ជុំវិញពិភពលោក ជាពិសេសនាងថែមទាំងជាតារាមួយរូបទទួលបានពានរង្វាន់ជាច្រើនផងដែរ ក្នុងនោះរួមទាំងពានរង្វាន់ «Grammy Award», ពានរង្វាន់ «Billboard Music Awards» ចំនួន៧, ពានរង្វាន់ «Guinnesss World Records» ចំនួន៥, ពានរង្វាន់ «American Music Awards» ចំនយន៤, ពានរង្វាន់ «MTV Video Music Awards» ចំនួន៤ និងពានរង្វាន់ធំៗលំដាប់អន្តរជាតិជាច្រើនទៀត៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ