• Hamilton ឈ្នះជើងឯកព្រឹត្តិការណ៍ Tuscan Grand Prix 2020 បង្កើនជ័យជម្នះ ៩០លើកក្នុងអាជីព

    (ក្រុងរ៉ូម)៖ យោងតាមការចេញផ្សាយដោយ BBC នាថ្ងៃទី១៤ ខែកញ្ញា ឆ្នាំ២០២០ បានឲ្យដឹងថា កីឡាករប្រណាំងរថយន្ត Formula 1 សញ្ជាតិអង់គ្លេស Lewis Hamilton បានគ្រងតំណែងជើងឯកពានរង្វាន់នៃព្រឹត្តិការណ៍ Tuscan Grand Prix 2020 នៅប្រទេសអ៉ីតាលី ហើយនេះក៏ជាការលើកពានជើងឯក ក្នុងចំណោមជ័យជម្នះ ៩០លើករបស់គេផងដែរ។

    Hamilton នេះជាលើកទី ៩០លើកដែលរូបគេបានឈ្នះការប្រណាំងនៅជុំផ្តាច់ព្រ័ត្រ បន្ទាប់ពីឈ្នះចុងក្រោយទៅលើគូប្រជែងដែលជាមិត្តរួមក្រុម Valtteri Bottas ដែលបើកឲ្យក្រុមរថយន្តប្រណាំង Mercedes ដូចគ្នា ក្រុមប្រណាំង Red Bull Racing Honda បើកបរដោយកីឡាករ Alexander Albon បញ្ចប់ទៅដោយចំណាត់ថ្នាក់លេខ៣។

    ម្ចាស់ជើងឯកកម្រិតពិភពលោក ៦សម័យកាល Hamilton ដែលជាជ័យជម្នះលើកទី៩០ នេះបានធ្វើឲ្យរូបគេកំពុងឈរនៅក្រោមអតីតជើងខ្លាំង លោក Michael Schumacher ដែលឈ្នះបាន ៩១លើក និងពានកម្រិតពិភពលោកបាន ៧ដង ដោយបានចូលនិវត្តន៍កាលឆ្នាំ២០១២៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ