• (ព័ត៌មាន Update)៖ ពេលនេះ តួលេខអ្នកស្លាប់កើនដល់ ១៩០នាក់ និងរបួសជាង ៦,៥០០នាក់ ក្នុងករណីផ្ទុះដ៏កក្រើកនៅលីបង់

    (លីបង់)៖ ក្រសួងសុខាភិបាលនៃប្រទេសលីបង់ នៅថ្ងៃអាទិត្យនេះ បានប្រកាសថាតួលេខអ្នកស្លាប់ នៅក្នុងហេតុការណ៍ផ្ទុះដ៏កក្រើកមួយ នៅឯកំពង់ផែទីក្រុង Beirut នាពេលកន្លងទៅនេះ គឺបានកើនដល់ ១៩០នាក់ ខណៈអ្នករបួសកើនដល់ជាង ៦,៥០០នាក់។ នេះបើតាមការចេញផ្សាយដោយ ទីភ្នាក់ងារព័ត៌មានស៊ីនហួរ នៅថ្ងៃអាទិត្យ ទី៣០ ខែសីហា ឆ្នាំ២០២០។

    គួរបញ្ជាក់ថា ឧបទ្ទវហេតុផ្ទុះដ៏សាហាវនោះ បានកើតឡើងកាលពីថ្ងៃអង្គារ ទី០៤ ខែសីហា ឆ្នាំ២០២០ និងត្រូវបានរដ្ឋាភិបាលលីបង់អះអាងថា បង្កឡើងដោយការឆេះនិងផ្ទុះសារធាតុគីមីអាម៉ូញ៉ូមនីត្រាត (ammonium nitrate) រហូតដល់ទៅ២,៧៥០តោន ដែលត្រូវបានរក្សាទុកនៅក្នុងឃ្លាំងមួយ នៃតំបន់កំពង់ផែរដ្ឋធានីបេរូត អស់រយៈពេល០៦ឆ្នាំមកហើយ។

    ក្រៅពីអ្នកស្លាប់និងរបួស មានមនុស្សចំនួន ០៣នាក់កំពុងបាត់ខ្លួននៅឡើយផងដែរ ខណៈមនុស្សប្រមាណជាង ៣០០.០០០នាក់ទៀត បានបាត់បង់ផ្ទះសម្បែង។ រដ្ឋាភិបាលលីបង់បានចាប់ផ្តើមកិច្ចខិតខំប្រឹងប្រែងសាងសង់ឡើងវិញ ដោយមានជំនួសពីបរទេសដ៏ច្រើន៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ