• កំពូលស្មាតហ្វូនអេក្រង់២ និងបត់បាន របស់ Microsoft នឹងចេញលក់នៅខែក្រោយនេះ

    (អាមេរិក)៖ ក្រុមហ៊ុន Microsoft បានប្រកាសឱ្យដឹងនៅថ្ងៃពុធ ទី១២ ខែសីហា ឆ្នាំ២០២០ ថា កំពូលស្មាតហ្វូន Surface Duo ដែលប្រើប្រាស់ ប្រព័ន្ធដំណើរការ Android នឹងចាប់ផ្ដើមចេញលក់នៅលើទីផ្សារនៅថ្ងៃទី១០ ខែកញ្ញា ខាងមុខ ក្នុងតម្លៃចាប់ពី ១៣៩៩ដុល្លារអាមេរិកឡើងទៅ។

    យោងតាមការចេញផ្សាយរបស់សារព័ត៌មាន Reuters បានឱ្យដឹងថា ជាស្មាតហ្វូនប្រភេទអេក្រង់បត់ ត្រូវបានរចនាឡើង ក្រោយ រូប រាងដូចគ្នាទៅនឹងសៀវភៅដែលគេកំពុងកាន់អាន។ ចំណុចពិសេសរបស់ស្មាតហ្វូនមួយនេះ គឺខុសពីស្មាតហ្វូន Galaxy Z Fold 2 របស់ Samsung ដាច់ ស្រឡះតែម្ដង ដោយវាត្រូវបានក្រុមហ៊ុន Microsoft ផលិតឡើងដោយចែក អេក្រង់ជា២ ដាច់ពីគ្នា មានន័យថាអ្នកប្រើប្រាស់អាចប្រើបានអេក្រង់ ពីរ ក្នុងពេលតែមួយ ជាមួយនឹងមុខងារផ្សេងគ្នា។

    ស្មាតហ្វូនមួយនេះ ត្រូវបាន Microsoft បញ្ជាក់ថា វាត្រូវបានបង្កើតឡើងដើម្បីជួយសម្រួលការងារការិយាល័យ និងការងារមួយចំនួនទៀតសម្រាប់ អ្នក ដែល ខ្ជិលកាន់កុំព្យូទ័រយូរដៃតាមខ្លួន ព្រោះវាត្រូវបានបញ្ជូលនូវមុខងារដ៏សម្បូរបែបរបស់ Microsoft ។

    គួរបញ្ជាក់ផងដែរថា ស្មាតហ្វូនមួយនេះមិនអាចប្រើជាមួយនឹង 5G បានទេ ហើយសម្រាប់ការចេញលក់ដំបូងគឺមានតែនៅសហរដ្ឋអាមេរិកប៉ុណ្ណោះ សម្រាប់បណ្ដាប្រទេសផ្សេងៗនៅមិនទាន់ដឹកពីកាលបរិច្ឆេទនោះទេ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ