• Man Utd ប៉ះ Copenhagen រាត្រីនេះ ដណ្តើមកៅអីវគ្គ ៤ក្រុមនៃ Europa League

    (ក្រុងម៉ូនិច)៖ ក្រុមបាល់ទាត់ Manchester United នឹងត្រូវប្រឈមមុខជាមួយនឹងក្រុម FC Copenhagen របស់ដាណឺម៉ាក ក្នុងវគ្គ ៨ក្រុមចុងក្រោយនារាត្រីថ្ងៃចន្ទ ទី១០ ខែសីហា ឆ្នាំ២០២០ ដើម្បីប្រជែងយកកៅអីឡើងទៅពាក់កណ្តាលផ្តាច់ព្រ័ត្រ។

    ការប្រកួតនៅទឹកដីកណ្តាលនាកីឡដ្ឋាន Stadion Koln របស់អាល្លឺម៉ង់នាម៉ោង ២៖០០នាទីរំលងអាធ្រាត្រនេះ ក្នុងការប្រកួតតែ ១ជើងដោយបិទទ្វារកីឡដ្ឋាន ដើម្បីបញ្ចៀសការរីករាលដាលនៃជំងឺ Covid-19។

    យោងតាមគេហទំព័ររបស់ក្លិបបិសាចក្រហមបានចេញផ្សាយថា ក្រុមរបស់លោក Ole Gunnar Solskjaer នឹងអវត្តមានកីឡាករ Phil Jones, Luke Shaw និង Axel Tuanzebe គ្រាដែលកីឡាករចាំទី Sergio Romero ដែលបានបង្ហាញខ្លួនក្នុងវគ្គ ១៦ក្រុម ជើងទី២ ពេលទម្លាក់ LASK នោះ ទំនងជាជាប់ជម្រើស ១១នាក់ដំបូង ដោយសារតែរូបគេតែងតែបង្ហាញខ្លួនញឺកញាប់ក្នុងយុទ្ធនាការពានលំដាប់ទី២ អឺរ៉ុប UEFA Europa League នេះ។

    ក្រុមមកពីទីក្រុង Manchester នៃប្រទេសអង់គ្លេសខាងលើនេះ ធ្លាប់ជួប Copenhagen តែ ២ដងគត់កាលឆ្នាំ២០០៦ ក្នុងពាន Europa League ដូចគ្នា ដោយធ្លាប់ឈ្នះ ៣-០ និងចាញ់ ១-០ មិនដែលស្មើឡើយ។ នៅរាត្រីផងដែរ ក៏មានការប្រកួតរវាង Inter Milan របស់អ៉ីតាលី ប្រកួតទល់នឹង Bayer Leverkusen របស់អាល្លឺម៉ង់នាម៉ោងដូចគ្នាខាង លើទៀតផង ក្នុងវគ្គ ១/៤ដូចគ្នា៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ