• ផ្ទុះការតវ៉ាប្រឆាំង នឹងរដ្ឋាភិបាលលីបង់ ជុំវិញករណីផ្ទុះនៅកំពង់ផែ បេរូត

    ក្រុមអ្នកតវ៉ាបានប៉ះទង្គិចជាមួយកម្លាំងសន្តិសុខលីបង់នៅឯបាតុកម្មប្រឆាំងរដ្ឋាភិបាលនៅបេរូត កាលពីថ្ងៃព្រហស្បតិ៍។

    ក្រុមបាតុករបានខឹងនឹងការផ្ទុះដ៏សាហាវកាលពីថ្ងៃអង្គារ ដែលក្រុមមន្រ្តីនិយាយថា បណ្តាលមកពីសារធាតុ អាម៉ូញ៉ូមនីត្រាត ចំនួន ២.៧៥០តោន ដែលការរក្សាទុកមិនមានសុវត្ថិភាព ចាប់តាំងពីឆ្នាំ ២០១៣ ។

    មនុស្សជាច្រើននៅក្នុងប្រទេសលីបង់និយាយថា ការធ្វេសប្រហែសរបស់រដ្ឋាភិបាលបាននាំឱ្យមានការផ្ទុះ ដែលបានសម្លាប់មនុស្សយ៉ាងហោចណាស់ជាង ១០០ នាក់ និងរងរបួសប្រហែល ៥.០០០ នាក់ផ្សេងទៀត។

    ទីភ្នាក់ងារសារព័ត៌មានរដ្ឋនិយាយថា មនុស្ស ១៦ នាក់ត្រូវបានគេនាំយកទៅឃុំឃាំង ដែលជាផ្នែកមួយ នៃការស៊ើបអង្កេតដែលបានប្រកាសដោយរដ្ឋាភិបាលនៅក្នុងសប្តាហ៍នេះ។

    ចាប់តាំងពីមានគ្រោះមហន្តរាយមន្ត្រីពីររូប បានលាលែង។ សមាជិកសភា Marwan Hamadeh បានលាឈប់ពីតំណែង កាលពីថ្ងៃពុធ ខណៈដែលឯកអគ្គរដ្ឋទូតលីបង់ប្រចាំនៅប្រទេសហ្សកដានី Tracy Chamoun បានលាឈប់ពីតំណែងកាលពីថ្ងៃព្រហស្បតិ៍ ដោយនិយាយថា គ្រោះមហន្តរាយបានបង្ហាញពីតម្រូវការសម្រាប់ការផ្លាស់ប្តូរមេដឹកនាំ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ