• Man Utd ឡេីងទៅប៉ះ Copenhagen ក្នុងវគ្គ ៨ក្រុមនៃ Europa League ក្រោយទម្លាក់ LASK ៧-១

    (មែនឆេស្ទេី)៖ នៅពេលនេះក្រុមបិសាចក្រហម Manchester United របស់អង់គ្លេសបានឈានចូលវគ្គ ៨ក្រុមចុងក្រោយនៃពានរង្វាន់កម្រិតទី២ អឺរ៉ុប UEFA Europa League បន្ទាប់ពីបន្តយកឈ្នះ LASK ២-១ ក្នុងទី២ ទៀតនៅកីឡដ្ឋាន Old Trafford នៅរាត្រីពុធ ទី០៥ ខែសីហា ឆ្នាំ២០២០។

    តាមរយ:ព័ត៌មានពី BBC បានចេញផ្សាយនៅថ្ងៃនេះថា កូនក្រុមរបស់លោក Ole បន្តធ្វេីបានល្អទៀតក្នុងទឹកដី ដោយដាក់តែកីឡាករឈុតទី២ ចូលលេង ដែលបានយកឈ្នះ LASK របស់អូទ្រីស ២-១ បន្ថែមលេីជ័យជម្នះ ៥-០ កាលជេីងទី១ នៃវគ្គ ១៦ក្រុម។

    បិសាចក្រហមត្រូវប្រឈមមុខនឹងក្រុម FC Copenhagen នៅវគ្គ ៨ក្រុម ក្រោយក្រុមរបស់ដាណឺម៉ាកបានទម្លាក់ Istanbul Basaksehir របស់តួកគី ក្នុងលទ្ធផល ៣-០ ក្នុងជេីងទី២ ទៀត និងឈ្នះសរុប ៣-១ ទាំងពីរជេីង។

    Manchester United ជាក្រុមទី១ របស់អង់គ្លេសដែលឆ្លងផុតវគ្គ ១៦ក្រុមមុនគេ ក្នុងចំណោម ៣ក្រុមរួមមាន Wolverhampton Wanderers និង Arsenal ដែលលេងនៅ Europa League រដូវកាលឆ្នាំ២០១៩-២០២០ នេះ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ