• អង់គ្លេស ចាប់យកជប៉ុន ជំនួសចិន (Huawei) ក្នុងការផ្គត់ផ្គង់បច្ចេកវិទ្យា 5G

    (តូក្យូ)៖ ចក្រភពអង់គ្លេសបានស្នើជប៉ុនឱ្យជួយបង្កើតបច្ចេកវិទ្យា Wireless 5G សម្រាប់ប្រើប្រាស់នៅក្នុងប្រទេសរបស់ខ្លួន ជំនួស 5G របស់ក្រុមហ៊ុន Huawei និងដើម្បីចាកឆ្ងាយពីសង្គ្រាមបច្ចេកវិទ្យារវាងចិន និងអាមេរិក ហើយក៏ដើម្បីរក្សាសុខសន្តិជាតិផងដែរ។ នេះបើយោងតាមការចេញផ្សាយ របស់សារព័ត៌មាន Reuters នៅថ្ងៃទី១៩ ខែកក្កដា ឆ្នាំ២០២០។

    ប្រភពសារព័ត៌មាននៅក្នុងប្រទេសជប៉ុន Nikkei បានចេញផ្សាយថា ចក្រភពអង់គ្លេសបានជ្រើសរើសយកក្រុមហ៊ុន NEC Corp និង Fujitsu Ltd សម្រាប់ ធ្វើជាដៃគូក្នុងការផ្គត់ផ្គង់បច្ចេកវិទ្យា 5G ក្រោយពីបានប្រកាសជាផ្លូវការឱ្យប្រតិបត្តិករទូរគមនាគមន៍ទាំងអស់នៅក្នុងស្រុកបញ្ឈប់ការបញ្ជាទិញ ឧបករណ៍ក្រុមហ៊ុន Huawei នៅចុងឆ្នាំនេះ។

    សារព័ត៌មាន Nikkei បានផ្សាយថា ចក្រភពអង់គ្លេសបានជួបជាមួយក្រុមហ៊ុន NEC Corp និង Fujitsu Ltd កាលពីសប្ដាហ៍មុន ពោលពីរក្រោយ ប្រកាសឈប់ប្រើបច្ចេកវិទ្យា 5G របស់ Huawei នៅ ២០២៧ ហើយបើតាមប្រភពជិតស្និទ្ធមួយបានបង្ហើបឱ្យដឹងថា ចក្រភពអង់គ្លេសបានបញ្ជាទិញ ឧបករណ័ថ្មីៗពីក្រុមហ៊ុនទាំងពីរខាងលើ ប៉ុន្តែនៅពេលនេះកំពុងតែចរចារឿងតម្លៃ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ