• Man Utd នឹងឡើងទៅឈរក្នុងតំបន់កៅអី Champions វិញ ប្រសិនបើយកឈ្នះ Southampton យប់នេះ

    (មេនឆេស្ទើ)៖ ក្រុមបាល់ទាត់ Manchester United នឹងហក់ឡើងទៅឈរលេខ៣ ក្នុងតំបន់កៅអី UEFA Champions League វិញ ប្រសិនបើពួកគេអាចយកឈ្នះគូប្រជែង Southampton នៅកីឡដ្ឋាន Old Trafford នារាត្រីនេះ។

    ក្រុមរបស់លោក Ole Gunnar Solskjaer បានកំពុងឈរនៅចំណាត់ថ្នាក់លេខ៥ ដោយមាន ៥៨ពិន្ទុបណ្តោះអាសន្នក្នុងតារាង Premier League ដោយនៅសល់ ៤ប្រកួតទៀត មុនបិទរដូវកាលឆ្នាំ២០១៩-២០២០ នេះ និងឡើងទៅឈរនៅលេខរៀងទី៣ ប្រសិនបើអាចបន្ថែម ៣ពិន្ទុក្នុងផ្ទះទៅលើក្រុមភ្ញៀវ Southampton នាម៉ោង ០២៖០០នាទីរំលងអាធ្រាត្រឈានចូលថ្ងៃទី១៤ ខែកក្កដា (ម៉ោងនៅកម្ពុជា)។

    ក្រុមទាំងពីរបញ្ចប់ទៅដោយលទ្ធផលស្មើគ្នា ១-១ កាលពីជើងទី១ ដែលជាការរកគ្រាប់នាំមុខរបស់កីឡាករខ្សែបម្រើ Daniel James មុនពេល David De Gea បានរបូត ១គ្រាប់វិញដែលជាគ្រាប់តាមស្មើនោះ នៅដើមវគ្គទី២។

    ៣ពិន្ទុរាត្រីនេះសំខាន់ណាស់សម្រាប់បិសាចក្រហម នៅពេល ក្រុមលេខ៣ បច្ចុប្បន្ន Chelsea និងលេខ៤ Leicester City សុទ្ធតែបរាជ័យដូចគ្នាកាលពីសប្តាហ៍មុន។

    តោខៀវ Chelsea បានបរាជ័យ ៣-០ នៅក្នុងផ្ទះរបស់ Sheffield United កាលពីរាត្រីថ្ងៃសៅរ៍ មុនពេល Leicester City ដែលជាជើងឯក Premier League កាលឆ្នាំ២០១៦ នោះ បានបរាជ័យក្រោមថ្វីជើងរបស់ម្ចាស់ផ្ទះ AFC Bournemouth ៤-១ នៅរាត្រីថ្ងៃអាទិត្យ ជាការបើកផ្លូវឲ្យ Manchester United ឡើងទៅឈរនៅលេខ៣ វិញ ក្នុងការទទួលបានកៅអី១ ដើម្បីមានសិទ្ធិលេងនៅពានរង្វាន់អឺរ៉ុប Champions League សម្រាប់រដូវកាលក្រោយ ប្រសិនបើកអាចយកឈ្នះ Southampton រាត្រីនេះ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ