• ករណីប៉ូលីសសង្កត់.ក បុរសស្បែកខ្មៅម្នាក់រហូតស្លាប់ ធ្វើឲ្យមានការផ្ទុះកំហឹង និងកុបកម្មយ៉ាងធំ ឈានដល់ការដុតបំផ្លាញទ្រព្យសម្បត្តិយ៉ាងច្រើនទៀតផង

    មរណភាពរបស់លោក George Floyd បានបង្កឱ្យមានកំហឹងពេញពិភពលោកជុំវិញការរើងអើងជាតិសាសន៍ ខណៈនៅអាមេរិកកំពុងមានកុបកម្មយ៉ាងធំមួយដើម្បីទាមទាររកយុត្តិធម៌ឱ្យរូបលោក។ រូបភាពមួយចំនួនពីកន្លែងកើតហេតុបានបង្ហាញពីអគារកម្ពស់ ៦ជាន់ កំពុងឆាប់ឆេះយ៉ាងសន្ធោរសន្ធៅ ដោយសារក្រុមអ្នកតវ៉ាបានដុតបំផ្លាញវាចោល។

    ប្រភពបាននិយាយថា ដំបូងឡើយក្រុមអ្នកតវ៉ាបានចាប់ផ្ដើមដោយភាពស្ងប់ស្ងាត់នៅកន្លែងដែលលោក George Floyd ត្រូវបានគេសម្លាប់នៅឯ Minneapolis រដ្ឋ Minnesota សហរដ្ឋអាមេរិក ប៉ុន្តែក្រោយមកក៏ប្រែក្លាយទៅជាអំពើហឹង្សា មានទាំងការចូលលួច និងការដុតបំផ្លាញ ខណៈដែលខាងប៉ូលីសបានប្រើឧស្ម័នបង្ហូរទឹកភ្នែក និងគ្រាប់កាំភ្លើងជ័រជាដើម។

    មូលហេតុដែលបណ្ដាលឱ្យលោក George Floyd ទទួលមរណភាពគឺដោយសារប៉ូលីសបានឃាត់រថយន្តរបស់គាត់ ដោយមើលឃើញថាលោក George Floyd មានមុខមាត់ស្រដៀងនឹងជនល្មើសដែលប៉ូលីសកំពុងតែតាមចាប់ ប៉ុន្តែពេលនោះលោកមិនព្រមចុះពីរថយន្ត ដោយនិយាយថាគាត់មិនបានធ្វើអ្វីខុសនោះទេ ហើយក្រោយមកទៀតទើបប៉ូលីសបានប្រើធម៌ក្ដៅជាមួយគាត់ ដោយមានទាំងការវាយខ្នោះហើយយកជង្គង់ផ្ទប់មុខគាត់នឹងដី ដែលធ្វើឱ្យគាត់ថប់ដង្ហើមស្លាប់។ ប្រភពដំបូងនិយាយថា ជនរងគ្រោះបាននិយាយសុំឱ្យប៉ូលីសបន្ធូរដៃព្រោះគាត់ថប់ដង្ហើម ប៉ុន្តែប៉ូលីសមិនស្ដាប់ ទើបទីបំផុតជ្រុលខ្លួនទៅជាការសម្លាប់ជនរងគ្រោះទៅវិញ។ ជនរងគ្រោះត្រូវបានគេបញ្ជូនទៅមន្ទីរពេទ្យភ្លាមៗ ប៉ុន្តែគាត់បានស្លាប់តាំងពីនៅកន្លែងកើតហេតុរួចទៅហើយ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ