• ក្នុងពេលឆាប់ៗនេះ លោកអ្នកនឹងអាចប្រើ Google Meet ដោយមិនចាំបាច់បង់លុយ

    បច្ចេកវិទ្យាគឺជាស្ពានដ៏សំខាន់មួយសម្រាប់ភ្ជាប់ទំនាក់ទំនងគ្នាទៅវិញទៅមក ក្នុងពេលដែលស្ទើរតែគ្រប់ប្រទេសទាំងអស់ក្នុងពិភពលោក ត្រូវបានដាក់ក្នុងភាពអាសន្ន ហើយក្នុងពេលឆាប់ៗនេះ លោកអ្នកក៏នឹងអាចប្រើ Google Meet ដោយមិនចាំបាច់បង់លុយ ពោលគឺគ្រាន់តែមានគណនី Gmail ប៉ុណ្ណោះ។ Google Meet គឺជាកម្មវិធីដែលបង្កើតឡើងសម្រាប់អតិថិជនដែលបានទិញសេវា G Suite តែប៉ុណ្ណោះ ជាដំណឹងល្អក្រុមហ៊ុន Google បានប្រកាសដាក់កម្មវិធីនេះឱ្យប្រើប្រាស់ដោយមិនចាំបាច់បង់ថ្លៃ ក៏ប៉ុន្តែត្រូវកម្រិតនូវមុខងារប្រើប្រាស់ខ្លះៗ។

    អ្វីដែលប្រសើរសម្រាប់ Google Meet នោះគឺ កម្មវិធីនេះបានផ្ដល់ដល់អ្នកប្រើប្រាស់នូវមុខងារជាច្រើន មានដូចជា៖

    • ចំនួនអ្នកចូលរួមអាចមានដល់ ១០០នាក់
    • រយៈពេល Video conferencing ពុំមានការកំណត់ទេ ចាប់ពីពេលដាក់ឱ្យប្រើប្រាស់ ដល់ចុងខែកញ្ញា តែនឹងត្រូវបានកំណត់ត្រឹមតែ ៦០នាទី បន្ទាប់ពីខែកញ្ញា
    • Admin អាចកំណត់ការចូលរួម ឬដកអ្នកចូលរួមពេលណាក៏បាន
    • ក្រុមហ៊ុនបានប្រើលេខកូដសម្គាល់ដ៏សាំញ៉ាំដែលពិបាកនឹងបំបែកបាន
    • ការបញ្ជូនទិន្នន័យទាំងអស់នឹងត្រូវបាន encrypted ទោះជានៅលើ Google Drive ក៏ដោយ។

    លោកអ្នកអាចប្រើ Google Meet នៅលើវេបសាយ meet.google.com ឬ ដំឡើងកម្មវិធីតាមរយៈ App Store ឬ Play Store។ កម្មវិធីនេះនឹងចាប់ផ្ដើមដាក់ឱ្យប្រើប្រាស់ចាប់ផ្ដើមពីខែឧសភាខាងមុខនេះ នៅតាមតំបន់មួយចំនួន និងតំបន់ផ្សេងៗទៀតជាបន្តបន្ទាប់ ដោយឡែកលោកអ្នកក៏អាចធ្វើការចុះឈ្មោះ ជាមួយក្រុមហ៊ុនដើម្បីទទួលបានព័ត៌មាន នៅពេលដែលកម្មវិធីនេះត្រូវបានដាក់ឱ្យប្រើប្រាស់ នៅប្រទេសកម្ពុជា តាមរយៈតំណរភ្ជាប់នេះ https://landing.google.com/googlemeet/

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ