• អាមេរិក មានអ្នកស្លាប់ ៨០០នាក់ ក្នុងមួយថ្ងៃជាលើកដំបូងបំផុត ចាប់តាំងពីមានការផ្ទុះឡើងនៃវីរុសកូវីដ១៩

    រដ្ឋាភិបាលសហរដ្ឋអាមេរិកបានប្រឹងប្រែងសាងសង់មន្ទីរពេទ្យបណ្តោះអាសន្នរាប់រយ ដើម្បីបន្ធូរបន្ថយភាពតានតឹងលើប្រព័ន្ធថែទាំសុខភាពដ៏ច្រើនលើសលប់ នៅពេលដែលខ្លួនបានកត់សម្គាល់ឃើញថា មានអ្នកស្លាប់ ៨០០នាក់ ក្នុងមួយថ្ងៃ ដោយសារវីរុស COVID-19 ជាលើកដំបូងបំផុត នៅថ្ងៃអង្គារ ទី៣១ ខែមីនា ឆ្នាំ២០២០។

    ជិតពាក់កណ្តាលនៃការស្លាប់ទាំងនោះគឺស្ថិតនៅក្នុងរដ្ឋញូវយ៉ក ដែលនៅតែជាចំណុចកណ្តាលនៃជំងឺរាតត្បាតជំងឺនេះ ហើយអភិបាលក្រុងញូវយ៉កលោក Bill de Blasio បានសុំការពង្រឹងបន្ថែមពីរដ្ឋបាលលោក Trump ដោយនិយាយថា អ្វីដែលអាក្រក់បំផុតអាចនឹងកើតឡើងនៅប៉ុន្មានសប្តាហ៍ទៀត។

    គួរឱ្យដឹងដែរថា មនុស្សជាង ៣,៧០០នាក់ បានស្លាប់ដោយសារ COVID-19 នៅសហរដ្ឋអាមេរិក ក្នុងកំឡុងពេលផ្ទុះជំងឺនេះ ដែលវាច្រើនជាងចំនួនអ្នកដែលបានស្លាប់នៅក្នុងការវាយប្រហារថ្ងៃទី១១ ខែកញ្ញា ឆ្នាំ២០០១ ឬ ៩/១១ ទៅទៀត។ ចំណែកករណីសរុបប្រទេសនេះបានកើនឡើងដល់ ១៨៤,០០០ករណី ដែលមានការបន្ថែម ២១,០០០ ករណីពីថ្ងៃមុន៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ