• ម្នាក់ៗពិបាកចិត្តរឿង Covid-19 តែកូរ៉េខាងជើងបែរសើចសប្បាយ លើភាពជោគជ័យជើងទម្រ បាញ់រ៉ុក្កែតខ្នាតធំ!

    (សេអ៊ូល)៖ កូរ៉េខាងជើងទើបតែបានប្រកាសពីជោគជ័យ លើការធ្វើតេស្ត ជើងទម្របាញ់រ៉ុក្កែតដ៏ធំមួយ នៅព្រឹកថ្ងៃចន្ទ ទី៣០ ខែមីនា ឆ្នាំ២០២០ នេះតែម្តង ក្រោយពីកូរ៉េខាងត្បូងបានប្រកាសថ្កោលទោស ចំពោះសកម្មភាពតេស្តមីស៊ីលរបស់ទីក្រុងព្យុងយ៉ាងកាលពីថ្ងៃអាទិត្យ ដែលត្រូវបានចាត់ទុកជាទង្វើមិនសមគួរទាល់តែសោះ អំឡុងពេលដែលពិភពលោកទាំងមូល កំពុងរងគ្រោះដោយជំងឺរាតត្បាត COVID-19។ នេះបើតាមការចេញផ្សាយដោយ BBC។

    យោងតាមយោធាកូរ៉េខាងត្បូង មីស៊ីលផ្លោងរយៈចម្ងាយខ្លីចំនួន ០២គ្រាប់ត្រូវបានបាញ់ចេញពីទីក្រុង វ៉ុនសាន (Wosan) របស់កូរ៉េខាងជើង ឆ្ពោះទៅកាន់ភាគឦសានប្រទេសនេះ កាលពីម៉ោង ០៦៖១០នាទីព្រឹកថ្ងៃអាទិត្យ ម្សិលមិញ (ពេលវេលានៅសេអ៊ូល) ហើយហោះបានចម្ងាយ ២៣០គីឡូម៉ែត្រ នៅរយៈកម្ពស់អតិបរមាប្រហែល ៣០គីឡូម៉ែត្រមុនធ្លាក់ចូលផ្ទៃសមុទ្រ។

    ដោយឡែកឈានមកដល់ថ្ងៃចន្ទនេះ ប្រពន្ធផ្សព្វផ្សាយរដ្ឋកូរ៉េខាងជើង KCNA បានឲ្យដឹងថា ការធ្វើតេស្តជើងទម្រខ្នាតធំ ដែលអាចបាញ់គ្រាប់រ៉ុក្កែតម្តងជាចង្កោមនោះ បានសម្រេចជោគជ័យជាស្ថាពរ។ គួរបញ្ជាក់ថា គិតត្រឹមថ្ងៃចន្ទនេះកូរ៉េខាងជើងនៅតែអះអាងថា ខ្លួនគ្មានករណីឆ្លងវីរុសកូរ៉ូណាថ្មី (COVID-19) ត្រូវបានរកឃើញនោះឡើយ ប៉ុន្តែអ្នកជំនាញអន្តរជាតិមួយចំនួន រួមទាំងកូរ៉េខាងត្បូង នៅតែមានការសង្ស័យជានិច្ច ចំពោះការបិទបាំងព័ត៌មានរបស់កូរ៉េខាងជើង៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ