សម្តេចតេជោ ប្រាប់ឲ្យយកសាលារៀនតាមខេត្តនីមួយៗ ធ្វើកន្លែងត្រៀមដាក់អ្នកជំងឺកូវីដ១៩

យោងតាមប្រសាសន៍របស់សម្តេចតេជោ ហ៊ុន សែន តាមរយៈប្រព័ន្ធអេឡិចត្រូនិក Telegram នៅក្នុង Group ប្រឆាំងកូវីដ១៩ បានឲ្យដឹងថា សម្តេចតេជោ បានពិភាក្សាជាឯកឧត្តម ម៉ម ប៊ុនហេង ដាក់ចេញវិធានការអោយសម្រេចប្រើប្រាស់សាលារៀននៅតាមខេត្តនីមួយៗ ដើម្បីរៀបចំត្រៀមជាកន្លែងដាក់អ្នកមានវិជ្ជមានកូវីដ១៩។ សម្តេចតេជោ បានមានប្រសាសន៍ទៀតថា អ្វីដែលត្រូវធ្វើជាបន្ទាន់ គឺត្រូវជ្រើសទីតាំងសាលារៀន ដែលកំពុងតែបិទណា១ ឬក៏២ តាមខេត្តនីមួយៗ ហើយរៀបចំប្រព័ន្ធទឹក និងភ្លើងចូលឲ្យដល់ជាបន្ទាន់ ដោយឲ្យតាមខេត្តនីមួយៗត្រូវយកចិត្តទុកដាក់។

សម្តេចបន្ថែមទៀតថា ត្រូវរៀបចំបន្ទប់ និងរៀបចំគ្រែ ហើយដាក់ដំណើរការតែម្តង និងត្រូវយកកំលាំងប៉ូលិស ទាហាន និងប៉េអឹម ដើម្បីជួយការងារនេះ ម៉្យាងទៀតការជ្រើសយកសាលា គឺត្រូវយកណាកន្លែង ដែលសមស្រប មិនមែនចេះតែដើរយកទេ ហើយវាមិនអាចរីករាលដាលទៅកន្លែងដ៏ទៃ៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ